“E hanesan koordenadór plataforma intendimentu, ha'u rasik dala barak hakerek ona ba irmaun Xanana Gusmão para ami lideransa 1974-1975 ne'e tenke tur hamutuk atu haree, hateke ba oin, hanoin nafatin ba kotuk maibé hateke ba oin”, dehan Alkatiri hafoin enkontru ho Prezidente Repúblika Eleitut, José Ramos Horta iha rezidénsia Farol, kinta (05/05).

Durante ne'e, Alkatiri rasik la ko'alia ba mídia ho intensionál, tanba kampaña, maibé agora kampaña hotu ona, presiza buka dalan no iha intendimentu.

Tanba ne'e simu ona enkontru dala rua husi Prezidente Republika Eleitu hodi ko'alia servisu ba oin, tanba sira-nia parte prontu servisu hamutuk atu haree situasaun atual iha rai laran.

“Se ha’u la prontu, ne'e ha'u la simu, e depois ohin loloos ha'u mak atu ba prezidente nia office maibé komu enkontru uluk ho PM, Prezidente mai loos iha ne'e, prontu ami ko'alia iha ne'e duni”, afirma nia. (*)