Print this page

Horta Simu Karta Kongratulasaun Ofisiál Husi Prezidente Xina

Horta Simu Karta Kongratulasaun Ofisiál Husi Prezidenti Xi Jinping hafoin enkontru ho Prezidente Republika Eleitu, Jose Ramos Horta. Horta Simu Karta Kongratulasaun Ofisiál Husi Prezidenti Xi Jinping hafoin enkontru ho Prezidente Republika Eleitu, Jose Ramos Horta. Foto Tempo Timor

Tempotimor (Dili)-c, kuarta (04/05) iha Farol Dili, simu karta kongratulasaun ofisiál husi Prezidente Repúblika Popular Xina, Xi Jinping.

“Karta kongratulasaun ofisiál husi Prezidente Xina Xi Jinping ne'ebé Públika iha Mídia Xina, ohin Sr. Embaixadór entrega ofisiál mai ha’u. Karta ne'e, mai tiha ona iha loron hira liuba maibé ha’u laiha fatin no segunda mós ita feriadu tanba ne'e mak ohin ha’u foin simu”, dehan Prezidente Eleitu, José Ramos Horta iha Gabinete Novel da Paz, Farol-Dili, kuarta (04/05).

Iha enkontru ne’ebé halo ho Embaixadór Xina iha Timor-Leste, Xiao Jiangua hodi konvite Prezidente Xina kona-ba selebrasaun Independénsia nian tinan ruanulu ne'e sei prepara husi Prezidente Repúblika no Primeiru Ministru.

“La'ós Ha’u. Pesoalmente ha’u halo ona karta informal la tuir protokolu, atu tuir protokolu ne'e karta ofisiál husi Prezidente Repúblika no Primeiru Ministru”, afirma nia.

Horta mós hetan ona felisitasaun husi Prezidente Portugal, Prezidente Guine-Bisau, CPLP, Governadór Jéral Aústralia, Governu Xina, Governu Amerikanu no parte balun halo deklarasaun felisitasaun liuhusi mídia.

Enkuantu iha sorumutu ne'e, Prezidenti Eleitu Jóse Ramos Horta ho Embaixada atu kontinua hametin relasaun bilaterál no Kooperasaun iha umanitarian, Sosiál, Ekonomia no kontinua fó apoiu ba nasaun Timor-Leste liuhusi diálogu.

“Relasaun bilateral entre nasaun Timor-leste no Xina la'o ho di’ak.

Nune'e ohin ami ko’alia liu kona-ba umanitarian, sosiál no ekonomia iha nasaun Timor-Leste. Ita-nia prekupasaun boot mak situasaun mundiál ne'ebé fó impaktu boot mai ita. Governu Xina kontinua halo diálogu ho Prezidente Repúblika, Governu no Lideransa Nasionál sira hodi kontinua apoiu iha tempu badak nia laran”, informa nia.

“Ha’u sei kontaktu Sr. Embaixadór Xina hasoru malu fali bainhira hau formál sai Prezidente Repúblika kontinua halo relasaun di’ak no metin ho Xina iha potensiál mundiál, rejionál no ekonomia ba Timor nia di’ak’, informa nia.

Embaixadór Xina iha Timor-Leste, Xiao Jiangua hatete, objetivu hasoru malu ho Prezidente eleitu atu hato'o mensajen kongratulasaun husi Prezidentie Xi Jinping ba Prezidente Eleitu José Ramos Horta ne'ebé hanesan mensajen grande importante ba relasaun bilateral entre nasaun Timor-Leste no nasaun Xina.

Durante tinan ruanulu ne'e, kooperasaun bilaterál rai rua ne'e la’o ho di’ak no dezenvolve tebes tanba Prezidente Xi Jinping konsidera relasaun ne'e importante tebes tantu rai boot no rai ki’ik.

“Ami nia konfiansa ba lideransa husi rai rua nian hotu, tanba relasaun entre nasaun Timor-Leste no nasaun Xina sei kontinua dezenvolve di’ak liután. Nune'e, ha’u sei ko’alia ho Prezidente Eleitu hodi kontinua kooperasaun ne'e no haburas ba oin”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items