“Ida mak ha'u hakarak fó hatene ba señor Prezidente no kolega deputadu sira, kona-ba osan ninian ami partidu KHUNTO la hatán atu diskusaun ho portuguéz, tanba povu mak haruka ita mai tuur iha ne'e, sira hakarak hatene”, dehan nia iha plenária PN, tersa (03/05).
Tanba, relatóriu Ezekusaun Orsamentu Privativu husi parlamentu tinan 2021 ne'ebé aprova husi Konsellu Administrasaun Parlamentu iha loron 22 fulan-abril no aprezenta ba iha plenária atu halo diskusaun no aprovasaun.
Maibé, parlamentu nasionál tenke diskute ho lian-tetun, nune'e povu bele rona no hatene saida mak parlamentu nasionál halo durante iha 2021.
Tanba ne'e, Bankada KHUNTO sei la autoriza atu debate ho lian-portugéz, maibé tenke debate ho lian-tetun atu povu mós iha diretu hatene buat ruma liliu kona-ba lala'ok diskusaun orsamentu.
“Diskusaun orsamentu, povu tenke hatene, nia bele fa’an modo tahan ba mós nia tenke hatene, saida mak ita halo iha ne'e, sira haruka ita mai tur iha ne'e, halo saida”, afirma nia. (*)
