Tuir informasaun ne’ebé www.tempotimor.com asesu iha loron domingu (01/05) katak, diálogu ne’ebé halo ho komunidade sira hamutuk ho komunidade sira iha fatin hotu, iha Programa VIII Governu Konstitusionál iha polítika ida kona-ba ‘Liberdade Espresaun, siknifika katak Governu tenke besik liuba komunidade sira hodi rona direita espresaun povu nian relasiona preokupasaun moris loroloron.
Tanba atividade dialogu ne’e iha ninia importansia atubele haree no rona direta preokupasaun komunidade sira-nia iha asuntu ekonomia, infraestrutura, saúde, no seluk tan.
Nune’e Governu bele reprezentante povu nia lian hodi halo mudansa no dezenvolvimentu iha setór sira hotu. Aleinde ida ne'e oinsá mak informasaun husi área rurál sira bele fó sai liuhusi kanál mídia sira Governu estabelese ona.
Administradór Postu Hatulia, Luis Manuel, agradese ba MAPKOMS, maske ho kondisaun estrada ne'ebé ladún di'ak, konsege hamutuk ho membru Governu no kargu xefia ministériu nian bele esforsu to'o iha fatin hodi rona rasik Povu Hatulia nia lian.
Partisipa iha diálogu ne'e, Vise-Ministru Administrasaun Estatál, Vise-Ministru Saúde, Prezidente Konsellu Imprensa (KI), Prezidente Autoridade Munisípiu Ermera, Komandante Polísia Munisípiu Ermera, Reprezentante husi UNICEF, Plan Internasionál, Xefe Gabinete MAPKOMS no SEKOMS, Gabinete Inspesaun Jerál, Diretór Diresaun Nasionál Diseminasaun Informasaun (DNDI), Diretora Diresaun Nasionál Administrasaun no Finansa (DNAF), Diretór Nasionál Promosaun no Dezenvolvimentu Media Lokál (DNPDML), Koordenadór CEFTEC no ekipa téknika MAPKOMS nian inklui mós hetan partisipasaun másima husi komunidade no estudante. (*)