Hahú husi tinan-2009 to'o fulan-marsu tinan-2022 sai xefe suku foin mak Governu liuhusi Ministéiru Adminisitrasaun Estatál (MAE) distribui matérial eletronika hanesan komputadór-ida, printer-ida inklui adaptór ida.

Antes ne'e, servisu adminisitrasaun iha Suku Afaloikai, utiliza deit mákina manual (mesin ketik), nune'e iha tinan hira ba kotuk ajénsia internasionál balun ajuda laptop-ida hodi fasilita servisu, maibé dadaun kondisaun aat.

"Iha Suku Afaloikai ha'u nia mandatu nunka hetan sasan eletrónika, hodibainhira oitavu Governu fó ne'e," dehan Jeronimo via telefone, sabadu (23/04).

Matérial eletronika ne’e, sei garante servisu di’ak hodi atende komunidade iha nivél Suku.

"Sasan ne'e iha duni kualidade, tanba nia merek Polytron hotu kedas, garante sei uza ba tempu naruk," nia argumenta

Maibé, matérial hirak ne'e, seidauk ulitiza, tanba MAE sei orienta ékipa ida fó treinamentu kona-ba utiliza matérial hafoin bele uza hodi halo servisu administrasaun suku nian.

Tanba ne'e, husu MAE aloka ona ékipa sira tun ba baze hodi fó treinamentu, nune'e bele uza ona.

"Sé bele karik ékipa ne'e, tun lalais mai fó treinamentu ba membru sira, para tempu badak sira bele utiliza ona," nia rekomenda

Enkuantu Suku Afaloikai pertense ba Postu Adminisitrativu Baguia, Munísipiu Baukau, kompostu husi Aldeia-4 hanesan, Aldeia Buibela, Lena, Okilari no Uaimata, iha xefe família hamutuk 248 no populasaun hamutuk 1203. (*)