“Agora ha'u reafirma de'it hau-nia admirasaun boot ba kamarada Lú Olo, tanba ninia korajen ho dignidade atu aseita rezultadu ida ne'e”, dehan Alkatiri hafoin partisipa konferénsia imprensa ne'ebé hala'o husi kandidatu Francisco Guterres ‘Lú Olo’ iha Salaun Luz Clarita, sesta (22/04).
Iha atividade konferénsia aseitasaun ne'e, Alkatiri la espera atu ko'alia tanba nia rasik iha hela planu atu marka loron hodi ko'alia sai ninia opiniaun ba públiku.
Tanba ne'e, agora seidauk bele ko'alia no fó opiniaun ruma, maibé hanesan Sekretáriu Jerál Partidu FRETILIN dehan partidu FRETILIN sei kontinua hein hela Lú Olo. (*)