"Governu apoia maka'as kandidatu Lú Olo embora ne'e la'ós Eleisaun Parlamentár maibé barak tama fali hanesan kampaña ne'e ba eleisaun Parlamentu nune'e ha'u esplika prosesu polítiku dinamiku ne'e hotu”, dehan Horta iha nia Rezidénsia Nobel ba Paz iha Faról, sesta (22/04).
Tanba durante eleisaun prezidensiál segundu Volta Governu ne'ebé apoiu maka'as kandidatu Lú Olo hodi halo kampaña hodi aprezenta programa Governu nian iha eleisaun prezidensiál tinan 2022.
Iha Eleisaun ne'e atuál Primeiru Ministru, Taur Matan Ruak, Prezidente Parlamentu Nasionál Aniceto Longuinhos Guterres Lopes, apoiu kandidatu Lú Olo hato'o programa no planu servisu iha kampaña eleitorál.
Hafoin rona rezultadu eleisaun prezidensiál Kandidatu Prezidente Repúblika Ramos Horta ho númeru sorteiu 1 kontinua manán nia adversáriu Kandidatu Francisco Guterres Lú Olo iha segunda Volta.
"Rezultadu ne'e di'ak maioria klaru maihusi povu nia hanoin sentimentu kona-ba situasaun iha eleisaun nune'e povu hala'o duni nia julgamentu no nia avaliasaun ba kada Governu no kada kandidatu Prezidensiál e sira vota tuir sira nia apresiasaun”, afirma nia.
Alende ne'e, PR Eleitu Horta hato'o agradesimentu ba nia apoiu husi povu ne'ebé konsege lori nia ba Prezidente Repúblika períodu 2022-2027. (*)