"Sim, deputada moras, naton ami haruka tiha ba tratamentu iha Malaysia, depois tratamentu mai fali no fila fali iha loron 19 Setembru, maibé deputada sei iha problema kultural nian iha Lospalos mak atrazu oituan, entaun agora prepara ona kondisaun para evakua fali ba Singapura," dehan Prezidente Parlamentu Nasional Arão Noé de Jesus da Costa Amaral, iha PN, Kuarta (09/10/19)
Nia afirma, kona-ba kustu hodi fó asisténsia ba deputada nian tratamentu mai husi veteranu sira nomós Parlamentu Nasional rasik.
"Deputada hanesan mós veterana ida entaun kona-ba kustu ne'e responsavel husi parte rua mak hanesan veteranus nomós husi Ospital mak responsavel kona-ba kustu tratamentu no Parlamentu Nasional mak responsavel ba pendiam no transporte ba deslokasaun nian," tenik PPN Arão
Nia hatutan, deslokasaun deputada nia ba Ospital Singapura tanba, veteranu sira mak iha kooperasaun Ospital iha Singapura.
"Kona-ba moras deputada nian PN seidauk hatene tanba ne'e parte saúde nian, inklui tempu ba tratamentu saúde deputada nian depende ba tratamentu bainhira mak kondisaun rekopera, tanba iha tempu uluk ba Malaysia depois fila mai hein fulan ida para ba fali, maibé atrazu oituan," tenik Arão