“Preparasaun la'o hela, Ministériu Administrasaun Estatál (MAE) mak halo iha Tasitolu, inisialmente planu ne'e iha Tasitolu, e preparativu ne'e la'o hela”, dehan Taur hafoin finaliza enkontru semanál ho Prezidente Repúblika (PR), Francisco Guterres ‘Lú Olo’, iha Palásiu Prezidensiál Bairopite, kinta (21/04).

Ba preparasaun ne'e, Taur Matan Ruak espera katak sei la'o di'ak, atu nune'e to'o iha loron ne'ebé serimónia toma pose ba prezidente repúblika eleitu bele akontese.

“Governu halo esforsu hotu, para que ida ne'e akontese”, afirma Taur.

Maibé husu kona-ba deklarasaun Kandidatu José Ramos dehan Prezidente Parlamentu Nasionál (PN), Aniceto Longuinhos Guterres Lopes laiha lejitimidade ne'e, parte Governu la fó komentáriu tanba tempu kampaña hotu.

“Ba ha'u-nia hanoin kampaña hotu tiha ona, agora ne'e ita ko'alia hanesan estadista tanba ne'e prepativu enkuantu laiha alterasaun, preparativu ne'e baibain tinan lima mak kuandu prezidente eleitu sira, sira eleitu ona, Governu sempre halo preparativu atu tomada de pose”, esplika nia. (*)