“Ha'u dehan sorti COVID-19 tanba sa?. Tanba se la’e sira fa’an tiha ona Greater Sunrise, ne'ebé ha'u agradese ba COVID-19 no ho buat sira ne'e mak hakarak kurize ne'e”, dehan Xanan iha Sede CNRT Hudi-Laran, Kinta (21/4)
Tanba lei kona-ba fundu Petrólifeira iha tinan 2005 hasai tiha ona, sistema finanseiru iha tiha ona, kada tinan tenke halo relatóriu no konta aprezenta ba tribunál rekursu, maibé mosu fali ida dehan lalika, osan ne'ebé restu tau fali iha Banku Nasionál Komérsiu Timor-Leste (BNCTL) depois ba hasai de'it.
Tanba ne'e, mak hili José Ramos Horta ba atu haree buat sira ne'e hotu, no nia sei la rezolve mesak, ne'ebé lalika husu saida mak la'ós nia kapasidade, no nia kapasidade atu bolu Parlamentu, Governu no bolu tribunál hodi haree saida mak tenke kurize.
Maske preparasaun ne’ebé durante ne’e halo hodi koloka ema iha Kompaña Timor GAP hodi hala’o servisu ho di’ak, maibé Governu rasik halo mudansa hotu.
“Ha'u agradese tebe-tebes ba COVID tanba, la’e ema sira ne'ebé mak ami prepara iha tinan hirak nia laran ne'e kaer Timor GAP, kaer mina hasai hotu, tau ema beikten sira mak ba tur iha ne'ebá, lahatene halo saida”, afirma nia. (*)