Print this page

Horta Labele Haree Interese Partidária Haterus Povu

Reitór Universidade ba Paz (UNPAZ), Adolmando Amaral. Reitór Universidade ba Paz (UNPAZ), Adolmando Amaral. Foto Suplay

Tempotimor (Dili)-Reitór Universidade ba Paz (UNPAZ), Adolmando Amaral, husu ba Prezidente Repúblika eleitu, José Manuel Ramos Horta atu labele haree liu interese partidária hodi hatereus povu, maibé tau atensaun nafatin ba povu.

“Haree ba kompromisiu politika ne'ebé mak José Ramos Horta asina ona ho partidu CNRT sira bele haree, maibé tenke tau atensaun ba povu nia moris di'ak, la'ós tanba interese partidária no odiu vigansa hodi kria fali instabilidade iha nasaun ne’e, dezenvolvimentu la la’o halo povu sofre liután”, dehan Adolmando Amaral liuhusi telefone kuarta (20/04).

Haree ba deklarasaun sira durante ne’e liuhusi Komísiu politika bele disolve kedas Parlamentu Nasionál wainhira José Ramos Horta eleitu ba Prezidente Repúblika.

Tanba Eleitu sai Prezidente tenke promove diálogu hodi buka solusaun ba problema iha rai laran duke hanaruk krize polítika ne’e liuhusi disolve Parlamentu Nasionál.

“La’ós eleitu ba Prezidente Repúblika hakarak Disolve kedas Parlamentu Nasionál maibé tenke la’o tuir prosesu legal sira ne’ebé mak iha hanesan iha duni oportunidade ne’e iha duni ga la’e, wainhira dalan ne’ebé di’ak atu lori nasaun ne’e ba oin liuhusi disolve Parlamentu Nasionál entaun bele dissolve”, dehan nia.

Ba apuramentu Nasionál iha STAE dadaun ne'e kandidatu Ramos Horta manán maioria simples kompara ho Francisco Guterres ‘Lú Olo, vitória ne'ebé mak dadaun ne'e hetan votu mai husi povu tanba ne'e mak tenke sai prezidente ida imparsiál no ba povu tomak.

“Ha'u-nia hanoin la'ós Ramos Horta mak manán maibé povu tomak mak manán ne'ebé nia sai prezidente ida imparsiál prezidente ba povu tomak, nafatin ninia polítika katak tenke uluk diálogu akumula ema hothotu atu sai forsa ida depois investe matenek nia enerjia tomak ba povu no rai ida ne'e”, deklara nia. (*)

Rate this item
(0 votes)
Last modified on Thursday, 21 April 2022 14:57
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items