“Ha'u-nia hanoin ne'e la'ós militante nia kulpa ita tenke haree lideransa másimu iha partidu sira ne'ebé oinsá sira bele organiza no hanorin no eduka sira-nia militante sira”, dehan Adolmando Soares Amaral ba jornalista sira liuhusi telefone, kuarta (20/04).
Tanba hafoin iha rezultadu eleisaun militante partidu FRETILIN ne'ebé ataka militante CNRT iha Uatulari no harahun uma, nune'e mós iha Oekusse ema deskoñesidu ida sunu populasaun ida nia uma to'o mutuk.
Militante sira presiza hetan matéria hodi maduru vida polítika atu nune'e bainhira derota iha eleisaun tenke simu rezultadu eleisaun ho fuan boot, hodi labele asalta malu no sunu uma hafoin rona rezultadu.
“Katak kualker situasaun saida de'it sira prontu simu ho fuan boot la'ós atu hatudu fali bandalizmu brutalidade hanesan ne'e”, afirma nia.
Tanba ne’e, la'ós fallansu husi Militante sira maibé ne'e fallansu husi enkuadru iha partidu polítiku sira ne'ebé la eduka sira-nia militante sira ho di'ak”, dehan nia. (*)