Bazeia ba kontajen votu prelimináriu eleisaun prezidénsia repúblika períodu 2022-2027 segunda volta ne'ebé hala'o husi Sekretariadu Tékniku Administrasaun Eleitorál (STAE) iha sentru votasaun Suku Leo-Haat, hatudu rezultadu Kandidatu Prezidente Repúblika José Ramos Horta hetan votu 191 no kandidatu Francisco Guterres ‘Lú Olo’ ho votu 86.

Husi rezultadu kontajen votu ne'ebé ekipa STAE hala'o iha Sentru Votasaun Leo Hat, la rejista votu abandonadu, votu rejeitadu, votu nulu, no votu branco inklui votu reklamadu.

Aliened ne’e, Kandidatu Prezidente Repúblika (PR), Francisco Guterres ‘Lú Olo’ manán iha Suku Loi Hunu, ho totál votu 469 no Kandidatu Horta hetan votu 142.

Ba kontajen votu prelimináriu eleisaun segunda volta ne'ebé hala'o husi STAE iha sentru votasaun Loi Hunu, konsege rejista votu nulu hamutuk lima, maibé la rejista votu, branco, votu abandonadu, no votu rejeitadu inklui votu reklamadu ne'ebé akontese durante prosesu kontajen votu. (*)