“Prontu para manán, prontu para lakon. Sé manán karik, agradese ba povu tomak, agradese ba maun boot Xanana Gusmão, partidu CNRT ho partidu hothotu ne’ebé, movimentu oioin no Grupu Arte Marsiál no rituál hotu ne’ebé apoiu ona ha’u”, dehan nia hafoin vota iha sentru votasaun Metiaut, tersa (19/04).
Maibé eleisaun segundu volta ne'e bainhira manán, sei tun hodi ko’alia ho partidu hotu inklui FRETILIN para ba oin servisu hamutuk atu garante estabilidade paz iha rai laran.
Maske iha demokrásia ne'e, eleisaun ema hatete, nia konfiansa atu manán, maibé iha demokrásia mós bele hatete garante manán, demokrásia dala ruma bele iha rezultadu interiozu ne'e hanesan mistériu.
Tanba ne’e hanesan kandidatu Prezidente Repúblika ho mentalmente votu, maske iha rezultadu ne'ebé di'ak, hodi entrega oportunidade ida ne'e.
Maibé, nafatin respeita no hakruk ba povu ne'ebé ezerse direitu hili prezidente repúblika ida ne’ebé reprezenta duni nasaun ne’e ba mundu no sai aman ba povu, neutralidade ba partidu polítika hotu respeita organizasaun Arte Marsial ho Arte rituál sira hotu ne’ebé kontribui estabilidade paz.
"Ha'u hakarak liu mak ha'u-nia albinasaun hakru'uk ba ativista sira, voluntáriu sira, ne'ebé tama uma, sai uma kalan, osan laiha, sira la husu osan, ema rihun ba rihun halo dor to dor”, afirma nia. (*)