Login to your account

Username *
Password *
Remember Me

STAE Baukau Simu Ona Livru Buletin Votu Husi Nasionál

Ekipa STAE Baukau lori hela matérial siensetivu no nonsiensetivu iha salaun apuramentu Baukau, kuarta (13/04). Ekipa STAE Baukau lori hela matérial siensetivu no nonsiensetivu iha salaun apuramentu Baukau, kuarta (13/04). Foto Tomas Freitas

Tempotimor (Baukau)‐Sekretáriadu Tékniku Administrasaun Eleitórál (STAE) Munísipiu Baukau, simu ona livru bulentin votu husi nasionál.

"Ita mai ho box 20, bulentin de votus iha 2.175, 2.175 ne'e buletin de votus iha 108.750 buletin de votus mak iha laran, ida ne'e mak ohin ita foti husi STAE nasionál mai para halo verifikasaun," dehan Diretór STAE Baukau, Lucio Salvador Freitas iha salaun apuramentu Baukau, kuarta (13/04).

Tuir planu iha loron 14 fulan-abril tinan-2022 ékipa STAE sei halo verifikasaun, halo pakotementu hafoin distribui ba sentru votasaun iha Munísipiu laran.

Matérial nonsiensetivu ne'ebé simu husi STAE nasionál mak baze handsanitizer, kabiña de votus 50 inklui banner ba kandidatu nian atu hakerek kontajen votus iha sentru votasaun.

Enkuantu eleitóres iha Munísipiu Baukau ba eleisaun segundu volta ho númeru nafatin 96.207.

"Totál buletin de votus ne'ebé ha'u dehan ita iha 108.750 ne'e inklui mós 10 pursentu iha tan tiha ona, uluk ita mai 108.700 de’it, maibé agora ita aumenta 50 livrus," nia informa

Husi livru 50 ne'ebé aumenta, atu evita karik mosu bulentin de votus balun laiha kualidade, inklui mós ba pasiente, família pasiente, ne'ebé aumenta iha lista internadus.

"Uluk ita iha 200 ital de’it, agora ita sa'e ba 393, ne'e pasiente no sira ne'ebé hein no mós ba médiku sira," nia hatete

Diretór CNE Baukau, Esmeraldo Damião Belo, hatete, matérial siensetivu ne'ebé to'o ona iha salaun apuramentu Baukau, parte STAE, CNE inklui parte segúransa sei ko'alia ho parte ékipa susesu husi kandidatu na'in-2 hafoin halo pakotementu.

"Sasan ne'e siensetivu hotu kedas, ohin ne'e kabe responsabiliza ba orgaun rua, husi CNE ho STAE, nune'e mós segúransa atu hamutuk iha ne'e, atu partilla informasaun ba ita nia kandidatu na'in-2 nia fiskais sira atu bele halo pakotementu, verifikasaun ba matérial sira ne'ebé desloka mai," nia hatete

Entertantu sentru votasaun iha Munísipiu Baukau hamutuk 125 no estasaun votasaun iha 150, totál eletores hamutuk 96.207 mak sei partisipa votasaun ba Eleisaun Prezidénsial. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter