“Asosiasaun HAK hakarak krítika mídia sira liliu mídia partidu polítiku labele oportunista. Liuhusi oportunidade ne'e, husu mídia partidu politiku sira labele sai oportunista no uza momentu hetan di’ak, benefisiu maibé kontinua husik povu moris iha risku nia laran”, deklara Sisto dos Santos iha Farol, kuarta (13/03).

Tanba mídia partidu politiku ne'ebé foti informasaun lakompletu hodi sei propaganda politika ne'e la eduka militante no apoiante sira.

“Partidu Pólitika lahanoin povu no nasaun ne'e, labele liberta ita-nia an, husik povu iha kondisaun mizeravel, ne'e oportunizme ne'ebé mákina partidu Pólitika sira-nia mídia mak halo. Partidu Pólitika tenke interpresaun refleta-an labele fó todan ba sidadaun ne'ebé estadu abandona ba área edukasaun nian”, afirma nia.

Ho deklarasaun ba Partidu Pólitika sira hanesan oportunista tanba la eduka militante no apoiante sira atu haree pakote rua nia vantajen no dezvantajen, no onestu ba públiku katak kandidatu A no B durante halo ona saida?. Bainhira haree parte ida de'it ne'e la onestu no lahanoin nasaun ne'e.

“Rezultadu ne'e, maihusi tinan ruanulu ne'ebé Governu la konsege halo edukasaun Pólitika ba nia militante no apoiante sira partidu politiku failla iha ne'e, no ukun na'in sira hakarak di'ak no povu kontinua ita kondisaun mizeravel, vulnerabel atu sira kontinua ukun tanba povu sira laiha kbi’it atu kontrolu sira”, dehan nia.

Iha Materia ba kampaña Primeiru volta no segundu volta nafatin lahatudu personajen ne'ebé kualidade tanba kandidatu no ekipa susesu sira la introduz ba ajenda Pólitika no livremente hala'o tuir sira-nia gostu. (*).