"Tanba sá mak ita hili Ramos Horta, tanba Horta hatene Pólitika Global no Pólitika Estratéjiku Rejionál no durante ne'e, hametin relasaun Timor-Leste ho Komunidade País Lian Portugês (CPLP) no buka dalan hametin relasaun entre nasaun Aústralia, Indonézia no Timor-Leste liliu fronteira maritima no terestre”, dehan Assanami ba Kampaña Kandidatru Horta, iha Tasitolu, tersa (12/04).

Maibé seivisu boot mak oinsá halo nasaun Timor-Leste sai fatin estratejiku iha rejiaun sudeste aziatiku, tanba nia Rekursus Umanu, Kooperasaun, Defesa no Seguransa iha nasaun ne'e.

“Ita presiza Prezidente ne'eb’e iha koñesementu klean hodi iha oportunidade loke kampu servisu ba Timoroan sira hotu liliu ba joven sira”, dehan nia.

Ho nia kargu prezidente tulun Governu hodi reviu sistema edukasaun atu iha kualidade hodi lori Timor-Leste ba oin, presiza fiber optik atubele hatun folin internet.

“Ita presiza Prezidente ne'ebé koñese di’ak era ida ne'e, kuñese di'ak joven sira no Prezidente ne'ebé iha tempu rezisténsia hamutuk ho Kay Rala Xanana Gusmão mehi katak Timor-Leste ho modernu, sivilizadu, demokrátiku no kompetitif iha rejiaun ida ne'e”, afirma nia. (*)