“Governu hakarak dezenvolve hanesan mantein eduksaun sivika kampaña kona-ba literásia dijitál, Plataforma Kona-ba Boa Notísia no Plataforma kona Identidade (ID) falsu no fake News”, dehan Sekretáriu Estadu Komunikasaun Sosiál (SEKOMS), Merício Juvinal dos Reis 'Akara', ba jornalista sira hafoin halo abertura ba formasaun literásia estudante no jornalista sira iha CNC, Balide, tersa (12/04).
Tanba objetivu husi asaun tolu ne'e oinsá atu prepara sidadaun sira iha kapasidade no koñesimentu hodi utiliza mídia sosiál ho matenek.
Nune’e husu ba Jornalista atu kontribui ba informasaun ne'ebé loos no kredivel hodi kombate notísia hoax tanba kna’ar m’idia importante.
“Edukasaun sivika laiha sansaun tanba eduksaun sivika ne’e eduka ema to’o tinan sanulu naran katak sidadaun Timor ne’e tenke iha kapasidade utiliza mídia ne’e ho di’ak no kona-ba plataforma tékniku sira ne’e laiha sansaun maibé ema mak iha konsiénsia hodi uza mídia sosiál”, afirma nia.
Prezidente Konsellu Imprensa (KI) Interinu, Expedito Loro Dias Ximenes hatete, semináriu ne’ebé hala’o servisu hamutuk Centru Nasional Chega (CNC) no parseiru sira husi Indonézia liliu Facebook no Meta liuhusi organizasaun sira ne’e hodi fahe informasaun kona-ba dezinformsaun.
Kuaze iha mundu tomak dezinformsaun iha situsaun barak mak akontese tanba sidadaun barak mak kontribui sira-nia hanoin balu kona-ba dezinformsaun liliu iha situasaun polítika hanesan eleisaun prezidensiál.
“Oinsá mak ita kombate dezinformsaun iha eleisaun 2022 tanba ne’e KI ho CNC hanoin tópiku ne’e importante atubele halakon dezinformsaun ka fake news mosu dalabarak tan de’it ita sala uza Facebook iha Plataforma dijitál sira ne'ebé iha”, dehan Expedito.
Ho semináriu ne’e, bele fó hanoin ba Jornalista sira iha mídia sira no estudante sira ne'ebe iha departmentu Komunikasaun sosiál atu sira mós bele hatene oinsá forma hodi kombate dezinformsaun iha situasaun politika atual. (*)