Print this page

Votante Sei ‘Julga’ Kandidatu Insulta Malu iha Eleisaun

Prezidente Komisaun Nasionál ba Eleisaun sira (CNE), José Agostinho Belo. Prezidente Komisaun Nasionál ba Eleisaun sira (CNE), José Agostinho Belo. Foto Suplay

Tempotimor (Díli)-Prezidente Komisaun Nasionál ba Eleisaun sira (CNE), José Agostinho Belo hatete, sei la fó sansaun ba kandidatu sira insulta malu maibé sei fó ba eleitór sira mak deside iha tempu eleisaun.

“Ita la aprova sira-nia programa, ne'ebé ita atu fó sansaun ka halo nusá?. Ba sasaun ne'e eleitór sira mak sei fó sansaun ne'e katak sira yakin ida ne'e sira mak hatene e sira mak hatene e sira mak sei fó sira-nia votu bainhira sira hatene muito bem kona-ba ba situasaun ida ne'e”, dehan José Agostinho Belo ba jornalista sira iha Timór Plaza, segunda (11/04).

Tanba CNE rasik la aprova matéria kampaña husi Kandidatu sira mak difikulta atu fó sansaun ba kandidatu sira ne’ebé insulta malu iha kampaña eleisaun prezidensiál.

 Maibé hamosu ona riregularidade ruma iha kampaña eleisaun prezidensiál mak sei entrega kompeténsia ba PDHJ, KAK no PNTL, mak sei aplika tuir lei ne'ebé mak iha ona.

“Ita-nia povu mós matenek intelektuál sira mós iha sira ba ko'alia fali buat seluk la'ós kampaña nian ha'u hanoin sansaun sosiál sei iha e sira sei (votante-red) fó nia votu ema ne'ebé ko'alia tuir programa ne'ebé di'ak no komportamentu ne'ebé di'ak, ne'ebé aplika situasaun sira ne'e di'ak evita, tanba la ajuda kandidatu sira atu kompete”, nia afirma.

Maske CNE hanesan orgaun reguladór, no ekivalénsia ba eleisaun sira maibé dadaun ne'e seidauk iha sansaun ida prioridade ba kandidatu sira ne'ebé komete erru iha tempu kampaña eleisaun prezidensiál.

“Ko'alia kona-ba krime ne'e la'ós de'it CNE ninia regulamenntu maibé kuandu ko'alia kona-ba krime iha instituisaun seluk mak hanesan PDHJ, KAK, Polísia no Ministériu Públiku”, esklarese nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items