Maske polítika Governu fó subsídiu ba família sira iha fulan-dezembru hetan ona aprovasaun hodi bele implementa hanesan prezenta ba família sira iha selebrasaun tinan foun nia, tanba kada tinan funsionáriu públiku sira sempre simu osan ba desimu terseiru.

“Kandidatu ida ne'e ba kampaña ba Governu, ka Parlamentu ka ba Prezidente Repúblika, sira hatete ne'e, imi hili Preziente, sei fó $200 kada uma-ka'in, ne'e la'ós Prezidente nia papél, e depois ba promete nune'e ita augente bele $200 ba uma-ka'in ida”, dehan Horta, bainhira hala'o vizita ba komunidade Aldeia Lakoda no Uma-Kerek, Suku Seisál, Munisípiu Baukau, sesta (08/04).

Ba kompromisu atu fahe osan ne'e la'ós papél Prezidente Repúblika nian maibé ne'e papél Governu nian, ne’ebé kandidatu Prezidnete Repúblika utiliza polítika orgaun ezekutivu ninia hodi konvensa eleitór sira.

Tanba ne'e, Prezidente Repúblika buka oinsá influénsia Governu ida ne'e, atu dudu ka dada ekonomia ba oin, fó apoiu ba agrikultór sira, hadi’a natar, hadi'a kriasaun animál, no haree problema transporte, husi Munisípiu ba Dili ne'ebé mak karun teb-tebes.

"O bele iha repoillu, ai-fuan oioin ho animál ba fa'an iha Dili, maibé selu truck ne'e karun loos, entaun o lori fila hira, Governu devia haree problema transporte, para ajuda transporte, para inan sira aman, sira be agrikultór ne'e bele lori produtu ba Baukau ka ba Laga ka ba Dili folin kamán, bele lori osan barak liu fila mai uma ne'e mak ekonómia”, dehan nia.

Iha ne'e, Horta mós husu ba populasaun Suku Seisál atubele eleje sira-nia diretu hodi vota ba ba kandidatu númeru sorteu 1 iha eleisaun Prezidensiál volta daruak nian ne'ebé sei hala'o iha loron 19 fulan-abril 2022. (*)