Print this page

Alkatiri Husu Governu Inklina Produtu Mina Nu’u no Kafé iha Sesta Bázika

Sekretáriu Jerál Partidu Frente Revolusionáriu Timor-Leste no Independente (FRETILIN), Mari Bim Amude Alkatiri. Sekretáriu Jerál Partidu Frente Revolusionáriu Timor-Leste no Independente (FRETILIN), Mari Bim Amude Alkatiri. Foto Suplay

Tempotimor (Dili)-Sekretáriu Jerál Partidu Frente Revolusionáriu Timor-Leste no Independente (FRETILIN), Mari Bim Amude Alkatiri hatete, nia parte entrega pedidu rua ba Governu atu inklina produtu mina nu’u ho Kafé hamutuk tonelada 500 iha programa sesta bázika tinan 2022 nian.

“Agora ba sesta bázika ida agora dadauk ne'e, ha'u simu ona pedidu para atu husu ba ministériu kompetente atu sosa mina nú, kamarada ida Lospalos ninian, ha'u ko'alia ona, ha'u responsável sira inklui ona iha sesta bázika. Agora ha'u simu tan pedidu seluk, ita-nia maluk kamarada duni ke iha kafé 500 tonelada, kafé u’ut, ha'u ko’alia ona, entrega ona pedidu, sira sei tuir”, dehan Alkatiri iha komísiu kampaña kandidatu Francisco Guterres ‘Lú Olo’, iha munisípiu Lautein, sábadu (09/04).

Pedidu hirak ne'e sei hato'o ba Governu atubele kumpre, oinsá mak bele tulun no fó ajudu ba setór privadu sira ne'ebé iha kreatividade atu hala'o servisu nomós fó servisu ba ema seluk.

“Ne'e ha’u-nia funsaun ida agora mak ne'e. Entaun mak ne'e, sé tan mak iha buat ruma ke presiza atu fahe iha tempu sesta bázika ne'e bele mai ko'alia ho ha'u”, afirma nia.

Iha sesta bázika ne'ebé tinan 2022, sei disponivel atu simu pedidu hothotu ne'ebé mak hato'o husi ema ruma, maibé labele hato'o pedidu ho intensaun atu fahe osan oituan.

"La presiza fó fali osan mai ha'u laiha, ne'e imi hela ho imi-nia osan, sé imi fó mai mak ha'u la ajuda buat ruma, se imi mai mak fó fali buat ruma mai ha'u, ha'u la ajuda”, esplika Alkatiri.

Tanba ne'e, Prezidente Repúblika (PR), Francisco Guterres ‘Lú Olo’, ho Governu daualu ne'ebé FRETILIN viabiliza, maske ema balun dehan viabilizasaun ne'e la hakerek iha konstituisaun, maibé viabilizasaun ne'e siknifika garante maioria parlamentu atu Governu ne'e bele ukun nafatin, ne'e mak dehan viabilizasaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items