Print this page

Xanana ‘Dun’ STAE 'Manipula' Halo Kuak Buletin Votu

-Prezidente Partidu Congresso Nacional de Reconstrução de Timor (CNRT), Kay Rala Xanana Gusmão. -Prezidente Partidu Congresso Nacional de Reconstrução de Timor (CNRT), Kay Rala Xanana Gusmão. Foto Suplay

Tempotimor (Dili)-Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, dun funsionáriu feto sira husi Sekretariadu Tékniku Administrasaun Eleitorál (STAE) manipula hodi halo kuak buletin votu ho liman kukun ne'ebé naruk.

“Foin dadauk rona katak instrusaunn to'o ona, feto oan sira ne'ebé servisu iha STAE, atu husik liman kukun naruk, ne'e mós fiskál sira tenke hatene, se sira mak liman kukun naruk, ida bee kroat oituan atu tuu ba buletin votu, kuandu sira haree númeru 1, sira tu'u tama tiha 2, sira dehan ne'e nulu, kuidadu”, dehan Xanana, iha mini kampaña husi Kandidatu José Ramos Horta, iha Kampu Futebol, Teriloka, sábadu (09/04).

Tanba, ema sira ne'ebé uluk servisu iha STAE kleur ona, servisu ho di'ak, maibé hasai hotu, no hatama fali ema foun, ne'e bele dehan atu halo manipulasaun mak ida ne'e.

Ho ida ne'e, bainhira haree pesoál feto ka mane, ninia liman kukun naruk no kroat mak fiskál sira tenke bolu atensaun ba Komisaun Nasionál ba Eleisaun sira (CNE) no Polísia Nasionál Timor-Leste (PNTL) atu labele autoriza pesoál ne'e tama iha prosesu kontajen buletin votu iha sentru votasaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items