Print this page

Governu Deside Toleránsia Pontu ba Loron Paskua no Eleisaun Segunda volta

Edifisiu Palasiu Governu. Edifisiu Palasiu Governu. Foto Suplay

Tempotimor (Dili)-Governu Konstitusionál daualu deside toleránsia pontu ba loron importante sarani kristaun nia selebrasaun festa Paskua no eleisaun prezidensiál segunda volta.

Desizaun ba toleránsia pontu ne’ebé fó sai iha loron sesta (08/04) hetan asinatura husi Primeiru Ministra Interina, Armanda Berta Dos Santos katak, iha loron 15 no 17 abril, ba selebrasaun Sexta-Feira Santa no Páscoa, konsidera loron ne’ebé fiksa ona iha Lei númeru (n.o) 10/2005, de 10 de agosto, altera husi Lei númeru 3/2016, de 25 de maio, define hanesan loron feriadu nasionál.

Iha kristaun nian selebrasaun loron Quinta-Feira Santa, hanesan loron importante no siknifikadu ba sanari sira ne’ebé abitus ona partisipa hotu iha selebrasaun ne’e.

Nune’e mós iha loron 19 abril 2022, ho realizasaun eleisaun Prezidensiál segunda volta, sidadaun hotu sei desloka ba sira-nia fatin resenseamentu eleitorál nia atubele partisipa votasaun, hafoin filafali ba fatin ne’ebé sira hala’o servisu ba.

Tanba ne’e, importante atu hasa’e taxa partisipasaun hodi hamenus sidadaun sira ne’ebé la tuir votasaun, hanesan mós ho desizaun iha eleisaun primeira volta, ne’ebé fó sai ona iha alínea d) do n.o 6 do artigo 7.o da Lei n.o 10/2005, de 10 de agosto, altera husi Lei n.o 3/2016, de 25 de maio, Primeiru Ministru deside toleránsia pontu ba funsionáriu no ajente ministériu ka servisu dependente, hanesan mós Institutu no orgaun integradu iha administrasaun sira indireta ba Estadu.

Tuir mai dispostu iha b) do númeru 2 e na alínea d) do n.o 6, ambas, do artigo 7.o da Lei n.o 10/2005, de 10 de agosto, altera husi Lei n.o 3/2016, de 25 de maio, Governu deside toleránsia pontu hahú husi tuku 12:00, loron 14 abril 2022, nune’e iha loron 18 no 19 abril 2022, toleránsia pontu loron tomak, to’o iha tuku 14:00, loron 20 abril 2022.

Ho despaisu ne’e, ba funsionáriu, ajente servisu ne’ebé hala’o atividade iha servisu administrasaun direta Estadu, nomós sira ne’ebé sentráliza no la sentraliza ka orgaun administrasaun indireta sira.

Maibé ba atendimentu públiku sira ne’ebé ho natureza importante labele para, sei kontinua la’o nafatin iha loron refere, atu labele difikulta kualidade servisu públiku. (*)

Rate this item
(0 votes)
Last modified on Saturday, 09 April 2022 09:48
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items