“Ohin SEII responsabilidade ba advokasia, entaun reativa filafali rede referál ne'e, maibé la'ós nasionál de'it, sei estabelese rede referál ne'e mós iha munisípiu sira, oinsá halo liña koordenasaun, atu tulun labarik feto nomós feto sira ne'ebé mak hetan Violénsia Doméstika, abuzu Seksuál, Relasaun Seksuál, insestu”, dehan Sekretária Esdatu  Igualdade no Inkluzaun (SEII), Maria Do Rosário Fatima Correia, iha salaun Delta Nova, sesta (08/4).

Ho sorumutu ho ekipa sira hodi fahe informasaun kona-ba rede referál atu tulun vítima sira ne'e, hakarak hato'o tanba saida mak rede referál durante ne'e la ativu másimu.

Tanba Governu daualu hasoru dezafiu tolu mak henesan, pandemia Covid-19, inundasaun 2020 to’o 2021, nomós situasaun polítika ne'ebé mak dada tempu naruk, nune'e mai ho orsamentu adisionál, entaun rede referál ninia altura la másimu.

Ho ida ne'e ko'alia mós kona-ba advokasia husi sosiedade sivíl halo ona, tanba ne'e Planu Asaun Nasionál halo ba dala rua, ne'ebé lei Kontra Violénsia Domestika seidauk halo revizaun.

“Husi ha'u-nia planu rasik, mesmu ne'ebé mak ha'u foin mai, mais ha'u mós hakarak atu halo konsulta ho implementadór sira husi Ministériu Públiku ho Tribunál, oinsá atu haree mós ba ida ne'e, karik kazu insestu ne'e bele prevelese mós ba lei kontra violénsia ka la’e?. Espetativa ha'u-nian atu halo aprosimasaun ba autór sira ne'ebé mak ihaTribunál, hodi bele hetan solusaun ba ida ne'e”, hatete nia.

Bainhira sorumutu ne’ebé Sekretária Estadu Igualidade no Inkluzaun kuandu vizita ba ALFELA, husi dadus estatestik ba violénsia bazea ba jeneru, kazu voilénsia Domestika, abuzu Seksuál, Insestu no Abandona kontinua dominante nafatin.

“Ida ne'e mak nafatin númeru aas iha ita-nia rai, karik husi ita-nia parseiru sira ne'ebé mak iha, SEII rasik mós halo formasaun iha nível munisípiu no postu sira, karik iha ona sensibilizadu ba iha Komunidade sira hodi hato'o sira-nia keixa, kuandu ida ne'e”, dehan nia.

Maibé seidauk halo peskiza kle'an ida kona-ba Lei Violénsia Domestika vigor to'o agora, hatene tanba saida mak kazu ne'e aumenta, kuandu feto maluk sira brani ona atu hato'o sira-nia kazu la’o tuir prosesu formal.

“Ita haree de'it dadus no ema nia keixa ne'ebé mak mai husi ita-nia parseiru sira, nomós tama iha sistema Justisa formal”, afirma nia. (*)