Login to your account

Username *
Password *
Remember Me

Adminstrasaun Dom Aleixo Sei Depende ba Planu Servísu Governu

Jeografia Postu Administrativu Dom Aleixo, Munisipiu Dili Jeografia Postu Administrativu Dom Aleixo, Munisipiu Dili Foto Suplay

Tempotimor (Díli)-Administradór Postu Administrativu Dom Aleixo, Munisípiu Díli, José de Jesus hatete, durante iha nia mandatu sei la halo asaun konkretu maibé depende de'it ba planu Governu sentrál hodi servisu tuir.

“Programa prioridade, asaun konkretu ne'e ha'u labele halo, nu'udar autoridade ki'ik no iha kraik sei haree orientasaun Munisípiu ou husi Membru Governu ka iha Ministériu Administrasaun Estatál orientasaun saida de'it mak fó mai ami, ami halo tuir de'it e atu susesu ka la susesu, ne'e depende polítika ne'ebé iha”, dehan José de Jesus ba jornalista sira hafoin simu tomada posse husi Prezidente Autoridade Munisípiu Dili iha Dom Aleixo, Fatuhada, kuarta (06/04).

Nu'udar autoridade Postu Administrativu Dom Aleixo, sei fasilita oinsá nesesidade urjente povu ida ne'e ninia bele no halo asaun konkreta Governu nian atu sai realidade ne'ebé di'ak ba komunidade nia moris.

“Ita haree, polítika saida de'it mak Governu sentrál liuhusi Munisípál implementa ida ne'e mak ami la'o tuir”, haktuir nia.

Postu administrativu Dom Aleixo durante ne'e konsege rejistu moras dengue maibé autoridade tenke hein programa husi Governu nian mak foin bele kombate ka hamenus moras ne'ebé sa'e iha postu refere.

Durante ne'e, Ministériu Saúde nia intervensaun ba moras dengue iha Postu Administrativu la'o menus tebes tanba la rega suku hodi prevene moras.

“Polítika saida ne'e depende ba dalaruma Governu liuhusi Ministériu Saúde nia planu, e depois moras bele mós iha atravesa moras Pandemia depois akontese mós moras dengue, Governu rasik mezmu ke nia la'o iha dalan klaran ka foin hahú konserteja ke nia iha polítika ida oinsá atu halakon ka kombate dengue”, akresenta nia.

Prezidente Autoridade Munisípiu Dili, Guilhermina Filomena Saldanha Ribeiro hatete, Administradór sira sei rezolve problema dezastre sira ne'ebé mak akontese iha Dili inklui mós kontrola ema fa'an sasán iha merkadu sira.

“Dezastre ne'ebé mak akontese iha Timor, no ema barak mak hela iha fatin risku sira, fatin ne'ebé mak loloos komunidade labele hela ba, Governu esforsu hasai ona ema balun, segundu parte mak kona-ba vendedór sira iha merkadu sira iha Dom Aleixo ne'e ema barak mak fa'an sasán iha dalan ninian sira hanesan merkadu Bairopite ne'ebé loraik ne'e, ema liu mós la di'ak nune'e mós iha merkadu Elemloi”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter