Print this page

Lia-na'in Hakarak Muda Dom Aleixo ba Postu Administrativu Karketu Mota Ain

Lia-na'in Kakertu Mota Ain, José Tilman. Lia-na'in Kakertu Mota Ain, José Tilman. Foto Suplay

Tempotimor (Díli)-Lia-na'in Kakertu Mota Ain, José Tilman hakatrak muda naran Postu Administrativu Dom Aleixo nia naran ba Karketu Mota Ain, tanba Dom Aleixo ne'e ema nia naran no karketu ne'e mak rai nia naran.

“Tanba naran Dom Aleixo ne'e mai husi ita ema moris, mais muda ba Karketu Mota Ain ne'e rai nia naran uluk tempu avo sira sei nu'udar povuasaun ukun iha rai Karkettu ne'e”, dehan nia ba jornalista sira iha sede Postu Administrativu Dom Aleixo, kuarta (06/04).

Tanba liurai uluk ukun rai Karketu primeiru mak naran Francisco segundu liurai Apolinario, ne'ebé mak lia-na'in sira ne'ebé sei moris hakarak muda naran Dom Aleixo ba Karketu Mota Ain.

“Dom Aleixo sei tun ne'e, husi avo sira ne'e ema kriatura lori Dom, agora tau fali ba kantór Dom Aleixo ne'e labele, temi duni mak rai nia naran ne'e karketu Mota Ain”, deklara nia.

Administradór Postu Administrativu Dom Aleixo, Munisípiu Díli, José de Jesus hatete, nia parte sei konsidera lia-na'in husi Kakertu Mota Ain nia ideia hodi troka Postu Administrativu Dom Aleixo ba Karketu Mota Ain, maibé sei haree iha futuru.

“Liafuan ne'ebé Lia-na'in sira hameno, ohin ha'u hetan nomeisaun ha'u konsidera liafuan ne'ebé lia-na'in Karketu Mota Ain fó sai katak, naran ida Dom Aleixo ba oin tenke hasai hodi muda ba naran Karketu, Postu Administrativu Karketu”, dehan nia

Tanba prosesu sei iha tanba halo ona enkontru ho lia-na'in sira, hodi hanaran Dom Aleixo ba Kakertu bazeia ba kultura no lisan husi uma lulik Karketu Mota Ain nian.

Iha administrativamente sistema Administrasaun ne'e la'o husi Postu Administrativu Dom Aleixo nian ba oin sei koñese husi públiku rasik.

“Ba oin ha'u sei hamutuk ho Prezidente Autoridade ho ansiaun sira sei rezumu liafuan ida ne'e sai Karketu Mota Ain ne'e sai Postu Administrativu iha edifísiu Dom Aleixo ne'e rasik”, afirma nia. (*)

Rate this item
(1 Vote)
Last modified on Wednesday, 06 April 2022 15:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items