Login to your account

Username *
Password *
Remember Me

Programa Naroman ba Suku Kontinua La’o Nafatin

Sekretáriu Estadu Komunikasaun Sosiál (SEKomS), Juvinal Mericio ‘Akara’ . Sekretáriu Estadu Komunikasaun Sosiál (SEKomS), Juvinal Mericio ‘Akara’ . Foto Suplay

Tempotimor (Dili)-Sekretáriu Estadu Komunikasaun Sosiál (SEKomS), Juvinal Mericio ‘Akara’ hatete, programa naroman ba suku Governu lansa dadaun ne’e funsiona, maske iha balun ne’ebé sei iha difikuldade.

“Ha’u bele dehan rua ka tolu de'it, restu ne'e sei funsiona, rua ka tolu ne'e katak, tanba iha mudansa ema. Ema ne'ebé mak jere ne'e ba fali fatin seluk iha fali ona servisu seluk nomós ladun tau atensaun ona, entaun problema iha ne'e”, dehan Akara iha Parlamentu Nasionál, segunda (04/04).

Tanba ne'e ekipa mós halo ona avaliasaun ba programa sira liliu estrutura rádiu sira iha teritóriu laran, balun mak sei la'o, maibé balun ladun funsiona tanba jestór sira ne'ebé mak, jere sentru ne'e, dalaruma iha fali ona servisu seluk, entaun presiza halo restruturasaun.

Maibé, suku sira ne'ebé mak prontu hela, ida ne'e Governu kontinua transfere orsamentu ba sira atu hala'o atividade dezemina informasaun, halo kobertura no halo promosaun ba sira-nia poténsia suku sira oinsá mak bele habelar informasaun liliu kolabora ho rádiu komunidade sira.

“Mais balun ne'ebé mak iha difikuldade oituan tanba estrutura muda, purzemplu hanesan iha Suku Leohitu, estrutura la funsiona”, esplika nia.

Pozisaun Governu atribui Programa Naroman Ba Suku sira, tanba bazeia ba pedidu ne'ebé hato'o husi suku sira, hakarak atu loke sentru informasaun atubele habelar informasaun ba sidadaun sira, nomós bele promove sira-nia poténsialidade suku sira, hanesan Turistiku, Istóriku, Kulturál. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter