Print this page

Horta Deklara Bele Loke ‘Fitar’ Krize 2006, Asanami ‘Gaba’

Kandidatu Prezidente Repúblika (PR), períodu 2022-2027, José Ramos Horta. Kandidatu Prezidente Repúblika (PR), períodu 2022-2027, José Ramos Horta. Foto Suplay

Tempotimor (Dili)-Kandidatu Prezidente Repúblika (PR), períodu 2022-2027, José Ramos Horta, deklara bele loke fitar krize 2006, tanba ne'e sei kria komisaun ida investiga rosesu fahe kilat iha tinan 2006.

“Tempu ne'eba 2006, ho maun boot Xanana hamate krize ne'ebé nakfera iha Timor-Leste nia laran, sé ema ruma hakarak loke prosesu ne'e, ita bele, ha’u nu’udar Prezidente iha maiu 2022, simu tiha pose, ha’u nu’udar Prezidente ho ha'u-nia poder, ha’u bele nomeia kedas Komisaun de Investigasaun para loke filafali prosesu fahe kilat, krize 2006”, dehan Horta nia komísiu kampaña segundu volta ba loron daruak iha Munisípiu Likisá, domingu (03/04).

Ba planu kria Komisaun ba Investigasaun Krize 2006, Horta haree katak ida ne'e laiha problema tanba nia uza nia poder hodi nomeia komisaun ida inklui halo mós komisaun mista ida ba nasionál, no internasionál.

Prezidente Partidu Demokrátiku (PD), Mariano ‘Assanami’ Sabino, gaba Kandidatu José Ramos horta, tanba halo análiza ba Kandidatu orta, ema ne'ebé mak koiñese klean kona-ba teknolójia tanba nia kaer telefone desde uluk kedas.

"Ita-nia avo ne'ebé mak koiñese teknolojia antigamente, uluk kedan nia kaer tan telefone ne'e mak doutor José Ramos Horta”, dehan nia.

Tanba ne'e husu nafatin ba movimentu joven sira hotu atu apoiu ho esperansa ba kandidatu Prezidente Repúblika ne'ebé koiñese teknolojia, no iha momentu mosu pandemia globál Covid-19 mós nia sempre halo konferénsia ho nasaun estranjeiru nomós halo komunikasaun ho Prezidente lubuk ida liuhusi utiliza teknolojia.

“Ita tenke apoiu atu dijitaliza ita-nia sosiedade, imi hotu nia mehi no hakarak atu dijitaliza e atu oinsa mak Timor-Leste ida ne'ebé tranforma sai sivilizadu, uza teknolojia, e tama iha era globalizasaun ne'ebé mak ohin ita hasoru, mak ida ne'ebé mak koiñese globalizasaun mak Prezidente, doutor Ramos Horta”, hatete nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items