Login to your account

Username *
Password *
Remember Me

Lakon iha Primeira Volta, Lú Olo ‘Izmola’ Votu iha Ermera

Kandidatu Prezidente Repúblika (PR) període 2022-2027, Francisco Guterres ‘Lú Olo’. Kandidatu Prezidente Repúblika (PR) període 2022-2027, Francisco Guterres ‘Lú Olo’. Foto Suplay

Tempotimor (Dili)-Kandidatu Prezidente Repúblika (PR) període 2022-2027, Francisco Guterres ‘Lú Olo’, hala'o kampaña loron dahuluk ba eleisaun segundu volta nian iha Postu Administrativu Gleno Munisípiu Ermera, hodi izmola votu, tanba iha primeira volta konsege derota iha munisipiu refere.

Iha eventu polítiku ne'e, Kandidatu Feancisco Guterres ‘Lú Olo’, hatete, nia parte prontu avansa ba eleisaun segundu volta nian tanba ho esperansa ida atu manán.

“Ha’u prontu nafatin hakat ba segundo-ronde siknifika Lú olo la rende ida, esperansa sei iha nafatin. Ha’u hakarak dala ida tan husu ba Ermera oan atu vota nafatin mai ha'u, ha'u prontu manán nafatin”, deklara Lú Olo liuhusi komisiu kampaña iha Gleno, sábadu (02/04).

Iha kampaña eleisaun primeiru volta nian, ne’ebé partisipa de’it husi Partidu Os Verdes de Timor, maibé iha kampaña segunda volta hetan partisipasaun husi Prezidente Partidu Libertasaun Popular, Taur Matan Ruak, nomós fundadór partidu FRETILIN, Mari Alkatiri, inklui Konselleiru Másinu Partidu KHUNTO, José dos Santo ‘Naimori Bukar’.

Tanba ne'e, hakarak dala ida tan husu ba Ermeraoan sira atubele vota nafatin ba nia iha eleisaun segundu volta, ne’ebé sei hala’o iha loron 19 abril.

Prezidente PLP, Taur Matan Ruak hatete, atu reforsa plataforma intedimentu Governu daualu nian, mak partidu tolu hanesan FRETILIN, PLP no KHUNTO, sei la soe malu iha eleisaun ba segundu volta ida ne'e.

“Partidu tolu (FRETILIN, PLP no KHUNTO) sei la soe malu no partidu seluk sei mai tan hanesan Os Verdes no partidu seluk tan”, hatete Taur. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter