Login to your account

Username *
Password *
Remember Me

Disolve PN, Horta Presiza Tetu Didi’ak

Padre Parokia, Santo António Vila Antiga Baukau, Manuel da Silva Ximenes SBD, ko'alia hela ba mídia sira iha kna'ar fatin, katedral vila antiga, sesta (01/04). Padre Parokia, Santo António Vila Antiga Baukau, Manuel da Silva Ximenes SBD, ko'alia hela ba mídia sira iha kna'ar fatin, katedral vila antiga, sesta (01/04). Foto Tomas Freitas

Tempotimor (Baukau)-Padre Parokia, Santo António Vila Antiga Baukau, Manuel da Silva Ximenes SBD, hatete, kandidatu Prezidente Repúblika (PR) periodu 2022-2027, José Ramos Horta, bainhira eleitu atu disolve Parlamentu Nasionál (PN), presiza tetu didi’ak, tanba relasiona ho povu nia moris.

"Ha'u nia sentimentu de'it, porke nia ema nobel da paz, hakarak hakuak ema no lakohi kria konfuzaun ba povu, sé nia sente ida ne'e kria konfuzaun ba povu, ha'u hanoin nia halo ezame konsiensia tetu didi’ak mak foin bele toma dezisaun, tanba ida ne'e, bein komun ba povu nia moris, ha'u pesoalmente, nia disolve ga la disolve nia sei halo diserdimentu kle’an molok halo disolve," dehan Padre Manuel, iha kna'ar fatin, katedral vila antiga, sesta (01/04).

Kestaun atu disolve PN ka la dissolve depende ba PR foun nia kompetensia, maibé presiza mós haree povu nia moris.

"Ha'u hanoin katak, Ramos Horta ema ne'ebé haree kona-ba nobel da paz, nia tenke hatudu nia kredibilidade ba mundu," nia dehan

Kandidatu na'in-2 ne'ebé kompete iha eleisaun segundu volta mesak timor-oan, tanba ida husi premiadu nobel da paz no ida seluk husi rezistensia.

Nune'e bainhira hatudu rezultadu ikus, na'in-ida sai Prezidente Repúblika (PR) ba tinan-5, husu hotu-hotu ho laran kaman simu malu hanesan Timoroan.

Enkuantu veteranu husi Baukau, Fernando Berdu Gusmão, argumenta, bainhira kandidatu Horta hakarak disolve Parlamentu Nasionál (PN), maibé tenke tuir lei.

"Ne'e Prezidente nia kompetensia, sé haree la di'ak disolve, maibé tuir lei, sé lei adimite nia disolve Parlamentu Nasionál, sé lei la adimite, entaun labele," nia hatete

Tanba, Timor-Leste dadaun infrenta hela krize, hanesan kombustivél no sasan nesesidade báziku iha merkadu folin sa'e makas. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter