“Ekipa prinsipál husi Misaun Europeia inklui peritu eleitorál 10 ne ebé servisu iha Dili no observadór eleitorál ba Munisípiu hamutuk na'in-30 ne'ebé servisu iha munisípiu 12 no iha Rejiaun Adminsitrativa Espesiál Oekussi-Ambeno kada Munisípiu observador na'in-rua”, dehan Xefe Adjuntu husi MOE EU, Alexander Gray, iha Otel Timor, Kolmera, Dili, tersa (29/03).
Tanba ne'e, observadór sira filafali ba munisípiu sira hodi bele kontinua halo observasaun ba kaampaña eleitorál no eleisaun ronda daruak nian, ne’ebé sei realiza iha fulan-abril.
“Sira mós sei akompaña kampaña eleitorál ne'ebé komesa iha dia 2 abríl to'o 16, sei ba Munisípiu sira antes loron rua depois tama ba eleisaun eleitorál ekipa ne'e sei kobre Munisípiu hotu”, informa nia.
Husi observasaun ne’ebé halo bainhira determina eleisaun ronde daruak UE mós sei entre relatóriu preliminariu ida hanesan ho eleisaun ronde primeiru ba parte kompetente sira.
“Observadór UE notak mosu irregularidade ki'ik iha primeira ronde iha Munisípiu hothotu maibé ne'e oituan de'it, ami haree prosesu hotu la'o transpárensia di'ak ami la haree problema boot ba eleisaun ida ne'e”, deklara nia.
Ba irregularidade mosu mak hanesan kandidatu sira troka nia oráriu kampaña hodi muda tuir nia hakarak, maibé ida ne'e laiha problema boot ida, maibé ba kontajen votu fikál sira la klarifika no la hatudu buletin votu ba observadór sira mak sura.
Maibé prontu atu akompaña kandidatu na'in-rua nia prosesu kampaña durante loron sanulu-resin-haat nia laran. Misaun ida-ne'e observa prosesu eleitorál husi aspetu hanesan legál, políliku, eleitorál, mídia, finanseiru, atubele halibur informasaun barak liután.
Iha servisu ikus sei hato'o relatóriu finál ida, ho rekomendasaun lubuk ida ba prosesu eleitorál sira iha futuru, sei fó sai ba publiku hafoin prosesu eleitorál tomak remata. (*)