Login to your account

Username *
Password *
Remember Me

Lakon iha Okupasaun Indonézia, CNC-AJAR Konsege Lori Ema 100 Hasoru Família iha TL

Diretór Ezekutivu Sentru Nasionál Chega (CNC), Hugo Maria Fernandes. Diretór Ezekutivu Sentru Nasionál Chega (CNC), Hugo Maria Fernandes. Foto Suplay

Tempotimor (Díli)-Sentru Nasionál Chega (CNC) ho Asian Justice and Right (AJAR) durante ne’e konsege buka tuir ema ne’ebé lakon iha tempu okupasaun Indonézia kuaze 100 hasoru malu ho família sira Timor-Leste.

Diretór Ezekutivu Sentru Nasionál Chega (CNC), Hugo Maria Fernandes hatete, esforsu ne’ebé halo durante tinan 2019 konsege lori Timoroan ne’ebé lakon iha funu hasoru malu familia sira,

“Ho AJAR Timor-Leste ita halo kontinua parseria bá buka ema lakon sira iha Indonézia entaun ida ne'e mak durante ne'e halo ne'ebé mak iha maibé entermus, agora ita loke prosesu reunifikasaun durante ne'e para tiha 2019 labele mai tanba Covid-19 ne'e iha hetan ona ema lakon 200 resin ne'ebé mak lori fila mai, maibé sira ne'ebé mak hasoru malu sira nia família ne'e sekitar 100 orang”, informa Hugu ba jornalista sira iha CNC, Balide, tersa (29/03).

Husi 200 ne'e, ema na'in 100 resin konsege hasoru ona nia família iha Timor-Leste no balun la bele fila mai Timor-Leste tanba balun forma ona uma-kain no familia iha Indonézia.

“Agora ha'u bele hatete ona 200 pesoas, no ema ne'ebé fila mai hasoru ona nia família ne'e 100 prosesu balun la lori fila mai ne'e tanba kestaun sira-nia família rasik iha ne'ebá no balun sira tauk mai karik sira la fila”, afirma nia.

Diretór Ezekutivu AJAR, José Luís Oliveira hatete, dadaun hetan ona 100 resin ne'ebé mak entrega ona ba família, maibé sei kontinua buka nafatin sira seluk ne’ebé seidauk bele hasoru família.

“Durante tinan rua ne'e esforsu atu buka ne'e ladún iha progresu siknifikativu tanba kestaun Covid maibé agora dadaun iha lista ne'ebé mak iha ami verifikadu ne'e desde tinan rua ne'e verifika ona ne'ebé mak agora tama iha lista atu mai tuir programa reunifikasaun ne'e hamutuk ema na'in-30 sekitar 100 itál ona hasoru ona sira-nia família tanba agora ne'e 80 ona mak ami konsege fasilita ona sira hasoru mai sira nia família”, informa nia.

Ba prosesu reunifikasaun ne’e, durante tinan 2020-2021 la bele kontinua buka família ne'ebé lakon iha tempu Indonézia tanba impaktu husi Covid-19.

“Ema sira ne'ebé lakon ne'e la'ós ema Indonézia mai lori, adopsi hodi hakiak ba Indonézia no iha tinan 1999 situasaun rungu ranga ne'ebé nia halai ba Indonézia maibé buka labarik ne'ebé momentu konsiénsia seidauk natón ne'e sira ne'ebé mak TBO mak Indonézia lori ba”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter