“Públiku nia proekusaun tanba ema konkore hetan subsídiu buat sira ne'e, entaun koloka ba Parlamentu Nasionál tanba Parlamentu Nasionál mak bele foti medida ho alterasaun diplomata ne'e rasik para haree katak,  ne'e bele hetan subsídiu ka, la hetan subsídiu ka, ka hetan subsídiu karik nia to'o persentajen hira mak bele hetan ida ne'e, ne'e kompeténsia Parlamentu Nasionál nian, ne'e la'ós kompeténsia tribunál nian ne'ebé atu pronunsia kona-ba ida ne'e”, dehan nia hafoin hasoru malu ho PR Lú Olo iha Palasíu Prezidensiál Bairopite, segunda (28/03).

Purtantu agora dadauk ne'e kandidatu Prezidente Repúblika iha subsídiu, kandidatu sira ne'ebé konkore ne'e sei hetan atribuisaun ba subsídiu tuir votu ne'ebé sira hetan no valór husi osan lei mak termina.

“Ha'u hanoin ba kandidatu Prezidente Repúblika ne'e lei mak estabelese hanesan ne'e duni, ne'ebé kada kandidatu sira iha subsídiu ruma ne'ebé ke lei hatete iha ne'ebá, atribui tuir votu ne'ebé sira hetan, ne'ebé kandidatu sira sei hetan ida ne'e”, hatutan nia.

Bainhira públiku sira preokupa ba ida ne'e, tenke hato'o ba Parlamentu Nasionál hodi haree, tanba Parlamentu Nasionál mak iha kompeténsia atu halo alterasaun ba lei.

“Agora públiku nia preokupasaun ne'e tenkeser hato'o ba organ kompetente sira iha kazu konkretu ba Parlamentu Nasionál para haree ida ne'e, tanba Parlamentu Nasionál mak iha kompeténsia atu halo alterasaun ba lei ne'e katak, bele atribuisaun ba subsídiu ka la subsídiu ne'e kompeténsia parlamentu nian”, esplika nia. (*)