Login to your account

Username *
Password *
Remember Me

PLP-FRETILIN no KHUNTO Laiha Dalan Atu Fahe Malu

Emblema PLP, FRETILIN no KHUNTO. Emblema PLP, FRETILIN no KHUNTO. Foto Tempo Timor

Tempotimor (Dili)-Konselleiru Másimu Partidu KHUNTO, José dos Santos ‘Naimori Bukar’ hatete, ba Partidu Libertasaun Popular (PLP), Fretilin no Partidu Kmanek Haburas Unidade Timor Oan (KHUNTO) laiha dalan atu fahe malu, tanba hametin ona ho plataforma entendementu iha tinan 2020, atubele hamutuk nafatin to’o 2023.

“PLP ho KHUNTO ne’e soe malu la di'ak, tanba ne'e hanesan sasukat forsa ida atu haree ba oin”, dehan Naimori hafoin partisipa konferénsia nasionál LP iha salaun Kanosa Has-Laran Manleuana, domingu (27/03).

Tanba ne'e, PLP-FRETILIN-KHUNTO afirma ona pozisaun atu fó apoiu tomak ba kandidatura Prezidente Repúblika períodu 2022-2027 iha segunda volta.

PLP-FRETILIN-KHUNTO hamutuk agora no iha eleisaun Parlamentár tinan 2023 mós kontinua hamutuk nafatin.

“Nune'e atu fó hanoin ba povu no joven sira iha Timor-Leste liliu Arter Marsiál hothotu labele haluha Maun Taur, tanba Maun Taur mak reativa fali Arter Marsiál hotu, ne'ebé ha'u husu hothotu iha Timor laran tomak atu fó apoiu ba Maun Taur no asegura Maun Lú Olo manán iha eleisaun Prezidensiál”, afirma nia.

Entertantu, konferénsia nasionál PLP ne’e, prezensa husi líder partidu sira hanesan, Sekretáriu Jerál FRETILIN, Mari Alkatiri, Konselleiru Másimu Partidu KHUNTO, José do Santos 'Naimori Bukar’, prezidente partidu Os Verdes, António Lela Juñu no prezidente partidu PLP, Jenerál Taur Matan Ruak, nomós kuadru partidu sira ne’ebé hamtuk hodi fó apoiu ba Kandidatu Prezidente Repúbvlika, Francisco Guterres ‘Lú Olo’, iha eleisaun segunda volta.

Prezidente Partidu Libertasaun Populár (PLP), Taur Matan Ruak hatete, sei hamriik ho Lú Olo iha kampu batalla hodi hato'o programa tolu iha kampaña eleisaun prezidensiál segunda volta nian.

“Asuntu importante tolu mak primeiru ami defende populasaun saudavel no nia moris naruk, segundu ami hakarak sidadaun ne'ebé matenek ho kapasidade intelektual, domina siénsia no teknolojia, terseiru mak hadi'a padraun moris nian, buat tolu ne'e ami sei konsentra iha batalla kampaña nian”, dehan Taur.

Partidu boot tolu hanesan FRETILIN, PLP no KHUNTO sei hato'o nia mehi ba ukun tuir mai.

Tanba ne'e, sira hatudu rezultadu badak husi nia filmajen, konsentra ho edukasaun, saúde, habitasaun e projetu sira seluk liga ba povu nia moris, kona-ba agrikultura, sira mós sei motiva populasaun sira maka'as atu produz agrikultura

“Iha tinan tolu tuir maluk ami tau kuaze $160 milhões ba sesta bázika ba 2021 $71 milhões, tinan ida ne'e sae ba $80 milhõoes, fó mós rendimentu ba ita-nia populasaun sira-nia hodi kompri programa ida povu kuda Governu sosa”, esplika nia.

Tanba ne’e, deside asuntu importante ba futuru, liuliu konsentra ba eleisaun prezidensiál tinan 2022 ba segunda volta.

“Ami-nia planu ida de'it mai iha tahap rua, koligasaun ne'e asegura para 2023, ami kontinua la'o hamutuk, kompete ba eleisaun pariamentar, atu servisu hamutuk para lori ami-nia kandidatu ba prezidente Repúblika dala ida tan, mak Francisco Guterres ‘Lú Olo”, deklara nia.

Sekretáriu Jerál Frente Revolusionariu Independente Timor-Leste (FRETILIN), Mari Alkatiri hatete, laiha lojika iha primeira volta, tanba haree ona laiha frauna, laiha lojika, ne'e dezafiu boot ida hotu iha plaraforma nota entendementu, ho aliadu sira, dezafiu ne'e fó hanoin ona ba Partidu tolu hanesan FRETILIN, PLP no KHUNTO, sa janela no odamatan ba naukten sira tama na'uk votu.

Partidu tolu ne'e sei hametin nia plataforma hodi taka naukten sira labele tama, atu nauk tan votu, bainhira servisu hamutuk buat sira sei taka hotu.

“Ha'u hanoin ita amplia ho ita-nia povu ho aliansa ho organizasaun sira hotu ho nivél sosiedade sira hotu naukten sira sei buka fatin la hetan hotu, ha'u hanoin dalan ukun to'o 2023 ne'e sei nakloke nafatin”, dehan Alkatiri, iha Konferénsia Nasinál PLP, iha salaun Kanosiana, Haslaran domingu (27/03).

Tanba ne’e, Kandidatu Prezidente Repúblika, Francisco Guterres ‘Lú Olo’, sei manán iha segundu volta, tempu to'o atu hatudu ba naukten sira katak ba sira tempu laiha ona.

“Ha'u mós halo kontaktu ida ho juventude atus ba atus ho ida 35 ba kraik, husu ba sira, imi vota ba se, sira hatama ami mak buka atu hatene, tanba saida mak ami-nia votu ba Lú Olo ne'e la sai”, dehan nia.

Iha peskiza ba polling staf sira kona-ba fiskál maibé poling staff sira maioria husi ema, mak kontrola hela.

“Ita-nia frakeiza ida mak ema mak kontrola ita-nia fiskál, maske ita mak ukun, nia dezafia CNE atu loke filafali urna iha kauza sira ne'e, maske lei la fó dalan, nauk iha loron no kalan”, afitma nia.

Importante mak hadi'a-an prepara ba segunda volta ne'e iha rua de'it, tanba ne'e sei halo karta reklamasaun iha kontajen segunda volta, no votu primeira volta arkivadu ona sei hahú husi Zero.

“Zero ita sei hatudu ona, Horta ba ho votu falsu, PLP ba ho votu verdadeiru, KHUNTO votu verdadeiru ho forsa rasik, FRETILIN ba ho nia forsa rasik, ha'u lahatene Horta nian ka Xanana nian, ne’e votu enventadu e naukten, bainhira ita evita naukten atu tama ita-nia uma mak tenke takamolok sira tama”, dehan nia. (*)

Rate this item
(0 votes)
Last modified on Sunday, 27 March 2022 19:00
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter