Print this page

KHUNTO Konsidera CNRT Seidauk iha Lideransa ba PR

Konselleiru Másimu Partidu Kmanek Haburas Unidade Nasionál Timor (KHUNTO), José Agostino dos Santos ‘Naimori Bukar’. Konselleiru Másimu Partidu Kmanek Haburas Unidade Nasionál Timor (KHUNTO), José Agostino dos Santos ‘Naimori Bukar’. Foto Suplay

Tempotimor (Dili)-Konselleiru Másimu Partidu Kmanek Haburas Unidade Nasionál Timor (KHUNTO), José dos Santos ‘Naimori Bukar’, konsidera Partidu CNRT dadaun ne’e seidauk perepara lideransa ida ne’ebé atu ba Prezidente Repúblika, tanba ne'e Kandidatu José Ramos Horta, ba Prezidente Repúblika 2022-2027.

“Ha'u so hatete de'it liafuan ida hanesan ne'e, partidu CNRT seidauk iha preparasaun di'ak nia lideransa di'ak ida ba prezidente Repúblika ne'e laiha, tanba ne'e mak milatante CNRT rasik sei vota Lú Olo”, dehan Naimori Bukar, iha nia Diskursu aberta ba Konferénsia Nasionál PLP, iha salaun Kanosiana Has-laran, Manleuana, domingu (27/03).

Kandidatu Prezidnete Repúblika, Francisco Guterres ‘Lú Olo’, mana a ona tanba Kandidatu José Ramos Horta mós FRETILIN, ne’ebé hatudu realidade, bainhira Partidu CNRT forte maibé kandidatu nia ema rasik atu kompete, tanba laiha ema mak kandidatu ema seluk hodi kompete.

“Ne'e ba ami KHUNTO dala ruma ami bele liu, loos ka la’e, se CNRT mak matenek iha karik nusa la kandidatu nia ema, depois dehan fali KHUNTO mak beik, tanba ne'e ha'u sa'e palku hamnasa loos partidu boot CNRT no hamnasa iha hanoin ida mosu pergunta ida, beik mak ida ne'ebé”, deklara nia.

Tanba ne’e, husi apoiu partidu tolu hanesan FRETILIN, PLP no KHUNTO iha plataforma polítika ne'e tenke servisu maka'as, atu hatudu rezultadu di'ak iha loron 19 fulan-abríl, hodi hatudu Lú Olo forte.

“CNRT balun sei vota ita, se CNRT nia ema ida mak kandidatu karik sira sei vota ba nian, laiha ne'e sira atu vota ba ne'ebé, di'ak liu sira vota konsiénsia de'it”, hatete nia.

Dala barak mosu iha fatin públiku dehan Governu defaktu, banhira José Ramos Horta sai Prezidente Repúblika, Prezidente Parlamentu mak fó pose no konsidera Prezidente Repúblika foun mós sai defaktu hotu. (*)

Rate this item
(0 votes)
Last modified on Sunday, 27 March 2022 17:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items