Print this page

Horta Deteta STAE Lakohi Fó Akta ba Fiskál Kandidatu iha Sentru Votasaun

Repreezentante Ekipa Susesu Kandidatura Jose Ramos Horta, Tomas Cabral. Repreezentante Ekipa Susesu Kandidatura Jose Ramos Horta, Tomas Cabral. Foto Suplay

Tempotimor (Dili)-Ekipa Susesu Kandidatu Prezidente Repúblika (PR) períodu 2022-2027, José Ramos Horta, deteta Funsionáriu Sekretariadu Tékniku Administrasaun Eleitorál (STAE) lakohi fó akta ba ekipa fiskál husi kandidatura sira iha sentru votasaun balun.

“Ami informa tiha ona ba STAE, iha sentru votasaun balun, STAE nia ema balun lakohi fó akta, ne'e sala, lei dehan katak fiskál kandidatu obrigasaun atu hetan akta”, dehan Repreezentante Ekipa Susesu Kandidatura Jose Ramos Horta, Tomas Cabral, iha salaun CNE, Kolmera, kinta (24/03).

Tanba ne'e, parte ekipa susesu Horta nian, fó hatene ona superior sira atu halo avaliasaun ba kuakidade servisu STAE, tanba lei fó dalan ba ekipa fiskál sira atubele hetan akta ho obrigatóriu.

“Sé iha segunda volta, para obrigatóriu tenke fó akta, sé la fó akta ne'e razaun saida”, afirma nia.

Ba situasaun hirak ne'e, Komisaun Nasionál ba Eleisaun sira (CNE) mós bolu ekipa susesu nu’udar rerezentante kandidatura Horta nian, tanba iha deferénsia iha votu válidu ho votu ne'ebé mak partisipa hamutuk rihun-17-resin nomós iha akta balun tama atraza, inklui buletin votu nulu ho reklamadu nia númeru ne'ebé boot hodi indika ba kandidatu balun.

Maske parte CNE rasik kestiona kona-ba reprezentasaun fiskál ne'ebé koloka ona iha sentru votasaun sira, maibé problema mak ofisiál eleitorál husi STAE iha sentru votasaun balun nunka konsidera fiskál sira tanba ne'e halo situasaun ne'e mosu.

“Ohin sira bolu ami mai, ami husu ba sira tenke hadi'a prosesu ne'e tanba sira mak pronúnsia dehan katak votus nulu ne'e sai hotu válidu hotu, la'ós ami husi kandidatura mak pronúsia la'e”, esplika nia.

Iha ne'e, votu nulu sai fali validu ne'e, CNE mak pronusia tanba ne'e mak bolu ekipa susesu sira mai atu konfirma hodi bele husu ba Tribunál Rekursu atu fó tan tempu para verifika votu nulu sira ne'e.

“Tanba Aileu, Ainaru ho Manufahi de'it mudansa ne'e boot teb-tebes, hanesan ohin sira dehan katak Aileu iha kedas 500, husi rezultadu kontazen ne'e, e papel se mak boot liu, CNE, nia halo apuramentu nasionál, atu haruka ba tribunál rekursu”, hatete nia.

Nu’udar Reprezentante Kandidatu Horta, sente preokupa tanba aktu la'o hotu ona, tanba sá mak ida ne'e akontese, partisipasaun sira kuaze pursentu 60-resin, no ema ne'ebé vota válidu hamutuk rihun-600-resin de'it, ida ne'e impede CNE konfirma filafali votu nulu sira ne'ebé iha.

“Lei fó dalan ba CNE tanba nia mak halo apuramentu nasionál, ida iha munisípiu ne'e ema bolu rekonsilasaun das akta, apuramentu inisiál iha sentru de votasaun, sira ohin rasik CNE dehan katak iha apuramentu inisiál ne'e iha buat balun la'o ladun loos e lei fó dalan ba sira halo apuramentu nasionál”, dehan nia.

Maibé ba apuramentu nasionál ne'e nia prazu 24 fulan-marsu remata, agora apuramentu nasionál ne'e mosu lakuna balun ne'ebé CNE hetan. Tanba ne'e, desizun ba eleisaun segunda volta ne'e Tribunál Rekursu mak sei deside, maibé tenke hein mós ho rezultadu husi CNE.

“CNE nia obrigasaun mak tenke haree akta sira ne'e tomak, nia tenke rekomenda ba tribunál, votu validu hira, atribui ba kandidatu hira, votu nulu hira ho votu sira ne'ebé reklamadu ne'e tama fali hira ne'e CNE iha relatóriu para tribunál bele kaer ba desizaun CNE e bele proklama e bele valida eleisaun, bele ba segunda volta, kuandu ne'e tribunál nia desizaun”, afirma nia. (*)

Rate this item
(1 Vote)
Last modified on Friday, 25 March 2022 18:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items