“La'o tuir lei ho konstituisaun, nusa mak la prontu, mais ne'e kampaña, programa ida-idak nian, ita sei iha prosesu ne'e seidauk hotu, eleisaun seidauk remata be di'ak liu ita lalika espikula”, hatete Aniceto iha sala VIP Aeroportu Internasionál Prezidente Nicolao Lobato, Komoro, sesta (25/03).

Maske rezultadu eleisaun ba kandidatura prezidente repúblika Tribunál Rekursu (TR) seidauk anunsia. Maibé nu’udar Prezidente PN, hein to'o iha objetivu ida ne'e, karik realiza nia mehi ida ne'e mak haree.

“Depois kuandu to'o ona iha ne'ebá mak ita haree, ohin ha'u dehan tiha ona ita lalika espikula. To'o hotu tiha mak be, se nia hakarak realiza duni ninia programa ida ne'e mak ita haree”, hatete nia.

Maibé haree ba eleisaun iha període ne'e, la'o di'ak no hakmatek, partisipasaun di'ak, maske iha sentru votasaun balun mak mosu destrundu oituan, maibé husu labele jeneraliza no dramatiza ida ne'e sai hanesan problema boot. (*)