Tuir informasaun ne’ebé www.tempotimor.com asesu husi pájina ofiaiál Governu Timor-Leste katak, feriadu sira ho data fiksu no data variavel nian determina husi Lei n.10/2005, loron 10 fulan-agostu,

Tanba ne’e loron feriadu ba tinan 2022 hanesan feriadu ho data fiksu iha sanolu-resin-tolu no feriadu ho data variável hamutuk loron haat.

Ba loron ne’ebé define feriadu tinan 2022 mak 1 fulan-janeiru-Loron Tinan-Foun nian (feriadu ho data fiksu); 3 fulan-marsu-Loron Veteranu sira nian (feriadu ho data fiksu), ne’ebé liu ona ho loron toleránsia pontu balun.

Ba loron 15 fulan-abril-Sesta-Feira Santa (feriadu ho data variavel); 1 fulan-maiu-Loron Mundiál Serbisu-na’in sira nian (feriadu ho data fiksu); no 2 fulan-maiu Idul-Fitri (feriadu ho data variavel); ba 20 fulan-maiu-Loron Restaurasaun Independénsia nian (feriadu ho data fiksu).

Nune’e mós, 16 fulan-juñu-Festa Korpu de Deus (feriadu ho data variável); iha 9 fulan-jullu-Idul Adha (feriadu ho data variável); loron 30 fulan-agostu- hanesan Loron Konsulta Populár nian (feriadu ho data fiksu);

Ba fulan setembru no outubru laiha loron feriadu, maibé oron 1 fulan-novembru-loron Santu sira hotu nian (feriadu ho data fiksu); 2 fulan-novembru - Loron Matebian sira nian (feriadu ho data fiksu); ba loron 12 fulan-novembru – konsidera Loron Nasionál Foinsa’e sira-nian (feriadu ho data fiksu); 28 fulan-novembru-Loron Proklamasaun Independénsia nian (feriadu ho data fiksu).

Ba fulan ikus nia iha tinan 2022 hshú husi loron 7 fulan-dezembru-Loron Memória nian (feriadu ho data fiksu); 8 fulan-dezembru-Loron Nossa Senhora da Imaculada Conceição, mahein Timor-Leste nian (feriadu ho data fiksu); no 25 fulan-dezembru-Loron Natál (feriadu data fiksu nian); ba loron 31 fulan-dezembru hanesan loron Eroi Nasionál sira-nian (feriadu data fiksu nian).

Ba loron feriadu ne’e, bazeia ba Lei n.10/2005, loron 10 fulan-agostu nian, atu fó hanoin filafali, mak estabelese rejime jurídiku kona-ba feriadu sira, data ofisiál komemorativa sira no toleránsia pontu, no altera ona ho lei n.3/2016, loron 25 fulan-maiu ne’ebé halo ona alterasaun balu ho hanoin atu rekoñese data istórika sira kona-ba Luta ba Ukun Rasik-an. (*)