“Dadaun ita hahú halo verifikasaun ba Munisípiu sira tuir alfabetu husi A to'o Z, agora hahú uluk husi Munisípiu Aileu, Ainaru, Baukau, Bobonaru, Covalima, Dili, Ermera, Likisá, Lautein, Manatutu, Manufahi, no Vikeké inklui Rejiaun Administrativu Espesiál Oekussi Ambeno (RAEOA)”, informa Prezidente Komisaun Nasionál ba Eleisaun sira (CNE), José Agostinho Belo, iha salaun CNE, Kolmetra, tersa (22/02).
Depois Sekretáriu Tekniku Administrasaun Eleitoral (STAE) halo hotu kontajen husi Munisípiu sira submete kedas mai CNE hodi kontinua halo verifikasaun.
“Urna sira ne'e hamutuk ona iha CNE, ohin ita halo abertura ba konvida parte hothotu ho observadór husi nasionál no internasionál, fiskál sira no Polísia Nasionál Timor-Leste (PNTL), husi parseru United Natios Develoment Programme (UNDP)”, nia esplika.
Abertura ne'e sai transferénsia halo verifikasaun ba votu reklamadu, Votu nulu hamutuk rihun-tolu ne’ebé CNE sei verifika hotu kedas.
“Depois halo vefikasaun votu nulu ne'e sei aumenta ka konta ba kandidatu ida ka nia konsidera hanesan nulu, sei servisu ho neutral no transferénsia rezultadu sai karik tuir duni nia prosesu”, dehan nia.
Ba akta sira husi rai li'ur nia rezultadu iha ona ofisialmente seidauk lori maibé loron 25 marsu Austrália nian to'o ona iha Timor-Leste, maibé urna husi nasaun seluk hanesan Europa, Irlánda sei to'o iha loron 27 marsu. (*)