“Pedidu substituisaun definitivu, eselénsia Prezidente PN, liuhusi biban ida ne'e, ha'u hakarak hato'o karta ida ne'e, bazeia ba pedidu husi Prezidente Interinu PLP, Belun Abrão Freitas ‘Mate Restu’, kona-ba pedidu substituisaun definitivu ba Deputadu Abel Pires da Silva, husi Bankada PLP, ho razaun deputadu refere sei hala'o fali nia kna'ar ida fatin seluk”, dehan Sekretária Meza PN, Lídia Norberta, hafoin lee sai karta ne'ebé hato'o husi Xefe Bankada PLP, Cornelio Gama ‘L-Sete’, ba meza PN, tersa (22/03).
Deputadu Bernardo do Qintão iha lista númeru 56 ne’ebé rejista ona iha Komisaun Nasionál ba Eleisaun (CNE), iha eleisaun Parlamentár liuba.
Bankada PLP rasik antes ne'e hala'o ona konsultasaun ho lista kandidatura númeru sira seluk, hanesan 44, 45, 47 ho númeru 52 maibé sira la disponivél tanba okupadu ho servisu seluk.
Nune'e, PLP deside substitui temopráriamente ho lista kandidatura númeru 56, bazeia ba regulamentu ne'ebé previstu ona iha artigu 4 alinea E, no 5 ho 9, no númeru 1 husi lei númeru 5/2004, loron 5 fulan-maiu, no lei númeru 6/2006, kona-ba lei eleitorál Parlamentu Nasionál nian, inklui artigu 5 husi rejimentu Parlamentu Nasionál.
Ba pedidu substituisaun ne'e, dadauk hetan ona autorizasaun husi Vise Prezidente Parlamentu Nasionál (PN), Maria Angelina Sarmento. (*)