Login to your account

Username *
Password *
Remember Me

PD ‘Lakohi’ Hili Kandidatu ho Programa Baku Fila, KHUNTO Seidauk Deside

Emblema Partidu Kmanek Haburas Unidade Nasionál Timor Oan (KHUNTO) ho Partidu Demokratiku (PD). Emblema Partidu Kmanek Haburas Unidade Nasionál Timor Oan (KHUNTO) ho Partidu Demokratiku (PD). Foto Tempo Timor

Tempotimor (Dili)-Prezidente Partidu Demokrátiku (PD), Mariano ‘Assanami’ Sabino hatete, sira nia parte sei la fó apoiu ba kandidatura Prezidente Repúblika ne'ebé aprezenta programa dehan Mean baku fila no mutin baku fila, iha eleisaun prezidensiál seguda volta.

Tanba programa ne’ebé ko’alia iha Kampaña primeira volta dala barak kona-ba baku fila, maibé laiha programa ida atubele fó benefisiu ba povu no Estadu.

“Tanba PD sempre vota ho sé de'it mais ho kompromisu programa, saida mak o atu halo ba Estadu ho povu. Ida ne'e mak kompromisu, mais ita rona mak mean baku fila, mutin baku fila, agora povu mak atu baku fila ka Estadu mak atu baku fila, ne'ebé ami labele hili baku fila ne'e”, dehan nia iha Parlamentu Nasional (PN), tersa (22/03).

Maske eleisaun PR dahuluk ne'ebé kompete husi kandidatura na'in-16, úniku so kandidatu na'in-rua ne'ebe mai ho programa baku fila mak hetan votu barak liu maibé kandiatura sira seluk kuaze sira-nia votu menus.

Bainhira, hakat ba eleisaun rode daruak PD sei haree didi’ak atu labele hili sala kandidatura ne'ebé ho programa baku fila iha eleisaun daruak ninian.

“Prontu ami PD sei haree, katak sé mak sei apoiu tanba laiha kandidatu sira ne'ebé mak liu ne'e la'ós ideal ba Prezidente ne'e tuir PD. Terpaksa hili ami sei fó votande ba kraik kotaktu barak mais ami sei deside”, afirma nia.

Maibé Partidu Kmanek Haburas Unidade Nasionál Timor Oan (KHUNTO) rasik seiduak deside hodi fó apoiu ba kandidatu na’in-rua ne’ebé sei avansa ba roda daruak ninia.

Deputadu Bankada Partidu Kmanek Haburas Unidade Nasionál Timor Oan (KHUNTO), Luís Roberto hatete, dadauk KHUNTO seidauk deside desizaun ruma atu fó apoiu ba kandidatu sira ne'ebé atu avansa ba eleisaun segundu ronde nian.

Maske dadauk kandidatu na'in-rua hanesan José Ramos Horta no Francisco Guterres ‘Lú Olo’ hetan votu barak liu iha rezultadu apuramentu provizóriu, maibé iha posibilidade boot atu hakat ba segundu ronde.

“Sim, agora dadauk rezultadu apuramentu sei la'o hela, ne'e posibilidade ba segunda ronde, maibé ba pozisaun KHUNTO ninian ne'e ami seidauk iha desizaun ida dehan katak atu fó apoiu ba kandidatu ida ne'ebé”, hatete nia.

Tanba atu deside apoiu kandidatura ne'e desizaun koletivu ida ne'ebé presiza tur hamutuk ho líder supremu Partidu KHUNTO, José dos Santos "Naimori Bucar", estrutura nasionál no líder nasional sira, mak foin bele foti desizaun atu apoiu loos ba kandidatura sira ne'ebé avansa ba segundu ronde. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter