Login to your account

Username *
Password *
Remember Me

CNRT ‘Kritika’ Inkapasidade Governu Hatudu Taxa Partisipasaun Menus iha Eleisaun

Vise Xefe Bankada Congresso Nacionál de Reconstrução de Timor (CNRT), Patrocino Fernandes. Vise Xefe Bankada Congresso Nacionál de Reconstrução de Timor (CNRT), Patrocino Fernandes. Foto Suplay

Tempotimor (Dili)-Vise Xefe Bankada Congresso Nacionál de Reconstrução de Timor (CNRT), Patrocino Fernandes, kritika inkapasidade Governu hatudu taxa partisipasaun eleitór sira iha eleisaun Prezidensiál períodu 2022-2027 menus.

“Ita haree husi taxa de partisipasaun menus loos, ne'e hatudu katak Governu laiha duni seriedade atu organiza didi'ak para bele asegura katak sidadaun hothotu ne'ebé atu ezerse sira-nia diretu síviku ne'e, loloos tenke tuir. Ne'ebé ida ne'e mak realidade ita haree hatudu duni inkapasidade husi Governu”, dehan nia iha Parlamentu Nasionál (PN), segunda (21/03).

Tanba implementasaun eleisaun prezidensiál iha períodu ne'e ladún organizadu ona hanesan eleisaun sira anteriór, no aktu ida ne'e hatudu duni inkapasidade husi Governu liliu Ministériu Administrasaun Estatál (MAE) inklui Orgaun Eleitorál rua hanesan Sekretariadu Tékniku Administrasun Eleitorál (STAE) no Komisaun Nasionál ba Eleisaun sira (CNE) ne'ebe mak sai implementadór direta ba eleisaun sira.

“La hatene as vezes sira iha duni intensaun katak ladún iha vontade atu halo eleisaun mais komu lei haruka dehan tenke iha eleisaun ne'e mak halo eleisaun no sira laiha vontade atu halo eleisaun ne'e karik”, afirma nia.

Deputadu Bankada FRETILIN, José Agusntinho Sequeira ‘Somotxo Matar Mimiraka’, konsidera implementasaun Sentru Votasaun Paralelu ne'ebé Governu kria iha Kapitál Dili, mosu komplikadu tanba laiha liña koordenasaun entre, Governu ho funsionáriu, estudante, joven no populasaun atubele asesu ba sentru refere

“Eih pá, ida ne'e komplikadu, konforme sentru votasaun paralelu iha Dili ne'e fatin tolu, STM-Bekora, GMT, ho Akademia Ministériu Agrikultura no Peska (MAP) nia sorin INAP. Tanba ha’u rona informasaun katak laiha kooperasaun, hanesan Universidade la koopera ho STAE, CNE ho MAE”, dehan nia.

Tuir loloos asuntu ne'e kabe ba Ministériu Ensinu Superior Siénsia no Kultura (MESSK) ho Ministériu Edukasaun Juventude no Desportu (MEJD) no Instituisaun Univesidade Públiku no Privadu oinsá mak bele hato'o lista iha STAE, atu nune'e sira ne'ebé servisu no estuda iha Dili bele asesu maibé sira-nia naran la rejista konserteza sira labele asesu ba sentru votasaun paralelu.

Maske Governu rasik hetan ona alternativa ida ne'e, atu rezolve problema sira husi joven, estudante no funsionáriu sira ne'ebé hela dook husi munisípiu mai servisu iha Dili.

"Tanba ne'e mak, se akontese segunda ronde, apela ba Universidade, Ministériu Edukasaun ho Ensinu Superiór, para sira koordena di'ak para ita-nia joven sira mós pelu menus balun primeira ves mak vota ne'e bele ezerse netik sira-nia direitu síviku”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter