"Atu lori ba Dili apuramentu nasionál, urnas-5 mak ita lori ba iha ne'eba votu nulu, votu reklamadu ho akta elektrónika no akta originál husi sentru votasaun mai," dehan diretór STAE Baukau, Lucio Salvador Freitas iha salaun apuramentu Baukau, segunda (21/03).

Iha prosesu transporta urna-5 ba nasionál hetan akompaña husi Polísia Nasionál Timor-Leste (PNTL) Munísipiu Baukau, inklui fiskais husi kandidatura sira hamutuk ho STAE, Komisaun Nasionál Eleisaun (CNE-sigla portugés)

Enkuantu husi urnas-5 ne'e, kompostu husi votu abandonadu 17 ho pursentu 0,02, votu nulu 2,035 ho pursentu 2,86, votu branku 595 ho pursentu 0,84, votu reklamadu 93 ho pursentu 0,13, votu rejeitadu 4 ho pursentu 0,01 no totál votu validu hamutuk 68,393 ho pursentu 96,14.

Entertantu Rezultadu apuramentu Munísipal ne'ebé STAE Baukau hamutuk ho nia ékipa sira inklui ofisiál supervizaun husi CNE no fiskais husi kandidatura PR na'in-16 hetan finál, kandidatura Prezidente da Repúblika (PR) ho númeru sorteiu 6, Francisco Guterres Lu Olo iha Munísipiu Baukau mak okupa dahuluk ho votantes 27,463 no pursentu 40,15.

Tuir kandidatura númeru sorteiu 14, Ramos Horta iha segundu lugar hetan pursentu votus 23,25 husi votantes 15,898 no kandidatura númeru sorteiu 8, Lere Anan Timur okupa terseiru lugar hetan pursentu 16,62 husi votantes 11,370.

Enkuantu kandidatu númeru sorteiu 1, Isabel Ferreira hetan pursentu 0,69 husi eleitóres 474, kandidatu númeru sorteiu 2, Hermes da Rosa Barros hetan pursentu 1,02 husi eleitóres 699, kandidatu númeru sorteiu 3, Maria Ãngela Freitas hetan pursentu 0,07 husi eleitóres 48, kandidatu númeru sorteiu 4, Rogériu Tiago Lobato hetan pursentu 0,29 husi eleitóres 198.

Kandidatu númeru sorteiu 5, Anacleto Bento Ferreira hetan pursentu 0,54 husi eleitóres 366, kandidatu númeru sorteiu 7,  Maria Helena Lopes de Jesus Pires hetan pursentu 1,11 husi eleitóres 759, kandidatu númeru sorteiu 9, Armanda Berta dos Santos  hetan pursentu 7,51husi eleitóres 5,135.

Kandidatu númeru sorteiu 10, Antero Bendito hetan pursentu 0,31 husi eleitóres 214, kandidatu númeru sorteiu 11, Constáncio Pinto hetan pursentu 0,46 husi eleitóres 314, kandidatu númeru sorteiu 12, Virgílio Guterres hetan pursentu 0,40 husi eleitóres 276.

Kandidatu númeru sorteiu 13, Martinho Gusmão  hetan pursentu 1,19 husi eleitóres 816, kandidatu númeru sorteiu 15, Felizberto Araujo Duarte hetan pursentu 0,13 husi eleitóres 213, no kandidatu númeru sorteiu 16, Mariano Asanami Sabino hetan pursentu 6,07 husi eleitóres 4,150. (*)