Login to your account

Username *
Password *
Remember Me

Laiha Deklarasaun, Votante Barak La Ezerse Dureitu Votu

Joven sira ne’ebé laiha deklarasaun hodi bele votasaun iha Sentru Votasaun Paralelu. Joven sira ne’ebé laiha deklarasaun hodi bele votasaun iha Sentru Votasaun Paralelu. Foto Tempo Timor

Tempotimor (Díli)-Eleisaun Prezidensiál ne'ebé realiza iha loron (19/03) votante barak lakon nia direitu atu tuir eleisaun, tanba estudante barak mak la konsege hetan karta deklarasaun husi Instituisaun hodi ezerse direitu votu.

Tuir Estudante Finalista husi Universidade Nasionál Timor Lorosa'e (UNTL), Fakuldade Agrikultura, husi Munisípiu Ermera, Julmiro Fernandes hatete, durante ne'e hatama ona deklarasaun maibé nia parte la hatene tanba saida mak nia labele tuir eleisaun.

“Ami sei konfirma, STAE razaun tanba saida mak ami prense tiha formuláriu maibé ami labele vota, deklarasaun sira ne'e ami prense iha eskola iha fakuldade no entrega ba CNE tanba ne'e mak ami konfirma fali no hatudu ami-nia kartaun eleitorál depois sei simu fali informasaun no ami-nia naran ne'e koneksaun ho lista ne'e ka la’e”, dehan nia ba jornalista www.tempotimor.com iha Gedung Matahari Terbit (GMT), Dili, sábadu (19/03).

Iha mós Estudante husi Universidade Nasionál Timor Lorosa'e (UNTL), husi Munisípiu Ermera, Acacio Pereirra, deside la tuir eleisaun Prezidensiál, tanba nia rejista ona maibé naran la sai iha sentru Votasaun Paralelu iha Dili laran.

“Ha'u rejista tiha ona iha Sede Suku Kaikoli nian, sira haruka dehan ha'u-nia iha GMT, ha'u mai tiha GMT sira haruka ha'u atu ba fali Komoro, maibé ha'u sei la ba Komoro mak naran laiha mós gasta tempu loos ha'u lakon ha'u-nia direitu mós laiha buat ida”, deklara nia.

Alende estudante Serjinho Caet husi Oeckussi mós akresenta katak, rejista tarde tanba ida ne'e mak nia sei la eleisaun prezidensiál iha tinan 2022.

“Tanba ami terlambat, ne'ebé mai ba husu sira iha laran dehan labele vota, mais dekralasaun ami hatama tiha ona ne'ebé ami iha ne'e barak atu vota mais deklarasaun laiha ne'ebé ami la jadi vota”, afirma nia.

Nune'e Negosiante, Lucia Sique ne’ebé la konsege ezerse direitu votu, tanba durante ne'e la hetan informasaun no prosesu oinsá trata deklarasaun ba vota iha sentru votasaun paralelu.

“Ami hakarak kontribui ba nasaun ida ne'e soké dalaruma informasaun husi suku sira mak laiha, foin dadauk ami ba husu duni, sira dehan hotu tiha ona, alende ne'e ami mós laiha televizaun atu nonton, situasaun hanesan ne'e mak ita ketinggalan informasaun la'ós ami atu kontribui ba nasaun ida ne'e ami hakarak soké ami falta informasaun”, dehan nia.

Brigada ba Eleisaun Prezidensiál iha sentru Votasaun Paralelu Sentrál, Elias de Deus hatete, iha problema barak mak la konsege rejista no laiha naran.

“Ha'u hanoin problema mak balun la rejista mós hakarak mak vota, no problema seluk mak balun la rejista mais sira dehan mai rejista, no seluk tan mak balun rejista ho ekipa ami ba rekolla hamutuk tiha mais balun ida rua naran laiha nafatin”, afirma nia.

Problema ne'ebé hasoru to'o estudante rihun-ualu-resin la tuir votasaun iha eleisaun prezidensiál, tanba estudante sira prense hotu tiha formuláriu maibé instituisaun la fasilita deklarasaun, balun fasilita nune'e submete ba kampus sentrál, maibé sira la submete ba Sekretariadu Tékniku Administrasaun Eleitorál (STAE) no ikus mai naran labele tama ba sistema.

Tuir observasaun ne'ebé www.tempotimor.com nota iha terrenu votante barak mak la konsege ezerse nia direitu atu tuir eleisaun prezidensiál  tanba laiha deklarasaun. (*)

Rate this item
(0 votes)
Last modified on Saturday, 19 March 2022 16:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter