“Prezidente ida ne'ebé povu hili ida ne'e mak ita sei servisu hamutuk ho nia para ke tinan lima oin mai ne'e kontinua tau matan ba ita-nia nasaun”, dehan Taur ba jornalista iha Sentru votasaun Sede Suku Metiaut, sábadu (19/03).

Tanba ne’e, husu ba sidadaun hotu atu tuir eleisaun nu'udar sidadaun ida atu ezerse nia direitu iha Sentru votasaun sira hodi hili Prezidente Repúblika ba tinan lima.

“Enkoraza sira hotu ne'ebé mak iha uma labele para, tenke sai husi uma ba sentru votasaun ba estasaun de votus atu ezerse sira-nia direitu hodi hili Prezidente da Repúblika”, dehan nia.

Maibé agradese nafatin ba povu tomak, no instituisaun sira ne'ebé durante asegura iha kampaña eleitorál iha semana rua nia laran to’o eleisaun.

“Primeiru lugar ha'u hakarak aproveita oportunidade ida ne'e agradese ba populasaun tomak, tanba kampaña la'o di'ak loos agrdese mós ba instituisaun sira ne'ebé tau matan ba seguransa tau matan ba kampaña e hein katak ida votasaun ne'e mós di'ak liu”, deklara Taur. (*)