Ministéiru Administrasaun Estatál (MAE) Migúel Pereira de Carvalho, hatete, komputadór ba sede suku to'o ona Timor-Leste, dadaun kompañia manan na'in hahú halo ona instalasaun hein atu halo distribuisaun.

"Eleisaun Prezidénsial hotu ita hahú fahe ona, tarde liu iha ínisiu abril, sei distribui hotu ba sede suku iha teritóriu timor laran tomak printer ho komputador ida-idak," dehan MAE iha STAE Baukau, sesta (18/03).

Komputadór no printer ne'ebé fahe ba sede Suku atu hafasil servisu administrasaun nian.

Tanba, Suku fatin primeiru ba populasaun trata adiministrasaun adminisitrativa lokál estadu nian.

"Hanesan sira ba trata fixa família, tenke ba iha suku, sira atu hetan apoiu husi Governu sesta báziku, uma kbi'it la'ek sira, ne'e tenke liuhusi sede suku sira," nia hatete

Enkuantu komputadór ne'ebé atu fahe ba kada sede Suku iha teritóriu timor laran tomak, hamutuk 452. (*)