Login to your account

Username *
Password *
Remember Me

STAE Baukau Transporta Ona Urna 457 ba Sentru Votasaun

STAE Baukau akompaña husi membru PNTL prepara hela urna atu desloka ba sentru votasaun hotu iha Munísipiu Baukau, sesta (18/03). STAE Baukau akompaña husi membru PNTL prepara hela urna atu desloka ba sentru votasaun hotu iha Munísipiu Baukau, sesta (18/03). Foto Tomas Freitas

Tempotimor (Baukau)‐Sekretáriadu Tékniku Administrasaun Eleitórál (STAE) Munisípiu Baukau transporta ona matérial siensetivu no non-siensetivu urna hamutuk 457 ba sentru votasaun sira.

Diretór STAE Baukau, Lucio freitas Salvador, hatete, urna hirak ne'e sei para iha sentru votasaun, hafoin iha loron 19 fulan-marsu tinan-2022 (aban) seguránsa Polísia Nasionál Timor-Leste (PNTL) Baukau entrega ba sekretáriu  hala'o operasaun iha estasaun votasaun.

Enkuantu sentru votasaun iha Munísipiu Baukau hamutuk 125 ho nia estasaun votasaun150.

"Urnas ne'ebé mak sai husi ne'e (STAE Baukau) ita iha 457," dehan Diretór STAE Baukau, Lucio freitas salvador iha kna'ar fatin, sesta (18/03).

Husi númeru urna 457, posibilidade STAE Baukau sei lori tuir urna rezervadu, tanba iha sentru votasaun balun númeru eleitóres barak.

Hanesan estasaun votasaun São Domingos Savío vila antiga, Tirilolo (iha SMP-3), nune'e mós iha fatin seluk.

"Ita prezisa urnas extra ne'ebé lori ba apoiu, tanba sé mai mak votantes buletin ne'e nakonu ona, entaun tenki muda tau fali, ita rezerva ne'e depende sira husu mai," nia akresenta

Mekanismu ba transporta matérial siensetivu no nonsiensetivu ba kada postu Adminisitrativu sira aloka uluk ba Baguia, Kelikai no Laga, tanba distánsia dook no kondisaun estrada la din diak.

"Laga tanba, balun baliza fali, entaun sira ne'e desloka tuir tán Vemase ho Venilale, Vemase mós baliza fali ho Uaimori, venilale baliza ho Ossu, ne'e prezisa halo deslokasaun lalais, deslokasaun ikus liu mak Baukau Vila," nia informa

Durante transporta matérial ba kada postu Adminisitrativu sira, STAE Baukau hetan apoiu viaturas hamutuk 50 resin, viatura hirak ne'e, balun husi patrimoniu estadu no Minisitéiru ne'ebé destaka iha Baukau.

"Sé viatura kamioñeta mak laiha, ne'e seidauk sufisiente, mais ita iha kamioñeta 12 problema laiha," nia hateten

Antes atu transporta ba kada sentru votasaun, STAE Baukau mós prepara terpal, plastiku atu asegura matérial siensetivu no nonsiensetivu husi udan.

Tuir oráriu STAE votasaun sei hahú iha loron 19 fulan-marsu tinan-2022 (aban) tuku 7:00 oras timor-leste (otl) no eletóres hamutuk 96.207 mak sei vota iha eleisaun Prezidénsial.

Nune'e, komadante komandu PNTL Munísipiu Baukau, Superintendente António De Sá husu populasaun Baukau laran tomak atu kolabora masimu iha festa demokrasia atu bele la'o iha ambiente paz no hakmatek.

"Rekursu sufisiente, tanba hetan mós reforsa husi FALINTIL-FDTL komponente terestre, ita husu ba autoridade sira, iha indikasaun ruma liga ba krime hato'o lalais kedas," nia hatete

Tuir planu komandu PNTL Munísipiu Baukau, sei destaka membru PNTL na'in-2 hahú iha loron 18 fulan-marsu tinan-2022 (ohin) duranre oras 24 nia laran ba prosesu tomak.

Enkuantu husi parte afastada halo vizilante masimu membru PNTL sei halo partollamentu ba sentru votasaun hotu duranre oras 24 nia laran.

Entertantu PNTL Baukau fó segúransa ba prosesu eleisaun Prezidénsial iha Munísipiu Baukau tinan-2022, hetan apoiu membru segúransa husi Kuartel Jerál hamutuk ema na'in-35, inklui mós  FALINTIL-Forsa Defeza Timor-Leste (FDTL) komponente terestre Munísipiu Baukau. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter