Tuir informasaun ne’ebé www.tempotimor.com asesu husi sirkular ne’ebé fó sai husi Embaixada Repúblika Demokrátika Timor-Leste iha Lodon, Reinu Unidu, tanba Bazeia ba decreto governo númeru 8 /2022 de 14 de janeiro, kona-ba prosedimentu tékniku ba realizasaun eleisaun prezidensiál iha estranjeiru.
Ho meiu ida ne'e embaixada Timor-Leste iha Londres, hakarak hato'o ba komunidade timorense hotu iha reinu unidu katak, eleisaun prezidensiál 2022 sei hala'o iha loron sábadu, 19 marsu 2022.
“Votasaun hahú husi tuku 07h00 to'o 15h00, oras reinu unidu, ho fatin votasaun hanesan Oxford, Leys CDI, Blackbird Leys Community Centre, Blackbird Leys Road-Oxford, OX4 6AS. Iha Peterborough, Peterborough Asylum and Refugee Community Association (PARCA), Unity Hall, Northfield RoadPeterborough, PE1 3QH. No Dungannon, Hill of The O'Neill & Ranfurly House, 26 Market Square, Tyrone-Dungannon, BT70 1AB", haktuir sirkular ne'e. (*)
