Reuniaun Konsellu Ministru ne’ebé lidera husi Primeiru Ministru (PM), Taur Matan Ruak, iha kuarta (16/03) deside aprova rejime foun ho intensaun atu kria rejime jurídiku foun ida ne’ebé klaru, simples, objetivu, rigorozu no transparente liu, hodi promove dezenvolvimentu ekonómiku no sosiál iha nasaun.

“Ninia objetivu mak atu halo sistema provizoriamente di'ak liután no atu halo integrasaun jirudika sira kona-ba aprovizionamentu kontratu públiku no ninian Infrasaun sira iha rejime únika jerál ida de'it”, esplika Ministru Prezidensia Konsellu Ministru, Fidelis Leite Magalhaes ba jornalista sira iha Palásiu Governu, kuarta (16/03).

Entre alterasaun prevista sira neé, destaka mak, Integrasaun rejime jurídiku sira kona-ba aprovizionamentu, kontratu públiku no ninia infrasaun sira iha úniku rejime legál ida.

Tuir mai mak, mak simplifikasaun prosedimentu sira, ho tipu sira prosedimentu nian husi hitu ba tolu de’it, Hadiá sistematizasaun no deskrisaun detalla husi kada faze aprovizionamentu.

“Transparénsia boot liu, ho reforsu husi portál aprovizionamentu nian reforsu prosesu planeamentu; no reforsu atribuisaun sira Komisaun Nasionál Aprovizionamentu nian”, afirma nia.

Projetu Dekretu-Lei, ne’ebé aprezenta husi Ministru Finansas, Rui Augusto Gomes, ba Konsellu Ministru. (*)