Login to your account

Username *
Password *
Remember Me

Komisaun B Sei Fiskaliza Projetu Reabilitasaun Aeroportu Baukau

Aeroportu Baukau dadaun ne’e hetan ona reabilitasaun husi Forsa Estadu Unidu Amerika ne’ebé servisu hamutuk ho Governu Timor-Leste. Aeroportu Baukau dadaun ne’e hetan ona reabilitasaun husi Forsa Estadu Unidu Amerika ne’ebé servisu hamutuk ho Governu Timor-Leste. Foto Suplay

Tempotimor (Dili)-Komisaun B éne'ebe trata asuntu Negósiu Estranjeiru, Defeza no Seguransa iha Parlamentu Nasional (PN) sei hala'o fiskalizasaun ba projetu reabilitasaun Aeroportu Baukau tanba orsamentu ba projetu ne'e prevee ona iha Orsamentu Jerál Estadu (OJE) tinan fiskál 2022.

“Sim ema hotu hatene katak ohin ita iha fulan-marsu, konderteza ami komisaun iha kalendáriu ba fiskalizasaun, ne'ebé komisaun B prepara ona kalendáriu iha fulan ida ne'e, hahú halo fiskalizasaun ba reabilitasaun Aeroportu Baukau nian”, hatete nia ba www.tempotimor.com iha Parlamentu Nasionál, kinta (17/03).

Aleinde Komisaun B sei fiskaliza mós reabilitasaun kondisaun eskuadra Polísia Nasionál Timor-Leste iha Munisípiu Baukau, tanba orsamentu ba ida ne'e prevee ona.

“Ho orsamentu ne'e ami fiar katak sira bele hanesan alokasaun orsamentu ba reabilitasaun eskuadra ho kondisaun sira ne'ebé ita-nia polísia sira presiza iha munisípiu. Foin dadauk reabilitasaun ninian ne'e inklui kedas iha Orsamentu Jerál Estadu”, esplika nia.

Ba orsamentu reabilitasaun hirak ne'e, momentu ne'eba Komisaun B aprezenta ona proposta adisionál iha OJE 2022, ho valór millaun $20, atubele halo reabilitasaun ba kestaun balun seguransa ho defeza preokupa.

Kona-ba orsamentu sosa karreta ba eskuadra PNTL ne'e Parlamentu aprova tiha alokasun orsamentu, maibé depende ba prosesu konkursu atu sosa karreta ba eskuadra sira ne'ebé presiza.

Iha OJE 2022, Parlamentu mós aloka orsamentu balun atu sosa karreta ba VPU (Vulnerable Person Unit), inklui sosa mós karreta ba ekipa bombeiru sira.

“Protesaun sivíl ne'e boot, tanba ita presiza karreta sira ne'ebé halo intervensaun ba, kuandu ahi hán, ka ba halo intervesaun iha situasaun sira ne'ebé hanesan bee sa'e, ho rai monu, para primeiru intervensaun, depois tuir fali mai konserteza ke Ministeriu Obrss Públika sei asume ninia responsabilidade”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter